Profimedia

ВО ЖИВО: Избори во САД – Трамп или Бајден, Американците бираат претседател

Околу 240 милиони Американци избираат меѓу демократскиот кандидат Џо Бајден и актуелниот републикански претседател Доналд Трамп. Првите избирачки места се затвораат по полноќ по наше време (18 часот по локално).

07.00 – Бајден: Верувам дека сме победници на изборите, да бидеме трпеливи

Демократскиот кандидат за претседател на САД, Џо Бајден, вели дека е уверен дека ќе победи на изборите, но дека за резултатите може да се почека некое време. Тој ги  повика луѓето да бидат „трпеливи” и „да ја задржат верата”.

„Веруваме дека сме на добар пат да победиме на овие избори”, рече Бајден во говорот во неговата матична држава Делавер, кратко по полноќ (05.00 часот по Гринич).

„Се чувствуваме добро за тоа каде сме”, додаде тој. з

06.56 – Трамп: Тие се обидуваат да ги украдат изборите, голема победа за нас

Американскиот претседател Доналд Трамп тврди дека неговите противници се обидуваат да ги „украдат изборите”, иако тој не понуди доказ и нагласи дека наскоро ќе одржи говор.

„Ние сме ГОЛЕМИ, но тие се обидуваат да ги УКРАДАТ изборите. Никогаш нема да им дозволиме да го сторат тоа. Гласовите не можат да бидат дадени по затворањето на избирачките места!” , објави Трамп на Твитер, по период од неколку часовно молчење на социјалните мрежи.

„Вечерва ќе дадам изјава вечерва. Голема ПОБЕДА!” наведе тој во вториот твит. з

06.50 – Фокс њуз/АП: Трамп победи во Охајо, Тексас и Флорида

Републиканецот Доналд Трамп го победи демократот Џо Бајден во Охајо, една од најважните „колебливи” сојузни американскидржави. Прогнозата е на телевизијата Фокс њуз и на АП.

Охајо се смета за многу индикативен за изборните ставови во САД, а победникот во таа држава обично победува на претседателските избори.

Броењето на гласовите се уште не е завршено. Спред излезните анкети, Трамп доби 53,4 проценти од гласовите, а Бајден – 45,2 гласови.

Поддржувач на Трамп пред американската амбасада во Сеул, Јужна Кореја/ 4 ноември 2020/ Фото: EPA-EFE/JEON HEON-KYUN

Според телевизијата, Трамп победи и во Тексас и Флорида, две држави клучни за неговиот реизбор.

Сепак, претседателот загуби од ривалот Бајден во Аризона, каде победи на изборите во 2016 година. Демократскиот кандидат победи и на Хаваи.

Ниту еден друг голем американски медиум се уште не ги потврдил прогнозитена „Фокс њуз”.

06.30 – Според обложувалниците, Бајден го стигнува Трамп

Светските обложувалници ги следат изборите во САД од минута во минута, а во однос на пред два часа, околу 4:00 часот по наше време, Доналд Трамп беше фаворит – останува во Белата куќа.

Во тоа време, коефициентот за актуелниот претседател беше околу 1,20 (шанси 83,3 отсто), а за демократскиот кандидат Џо Бајден 4,50 (шанси 22,2 отсто).

Њујорк. Фото: EPA-EFE/JUSTIN LANE

Сепак, два часа подоцна, ситуацијата се смени, па околу 6:00 часот по средноевропско време, Трамп (коефициент 1,80) има мала предност пред Бајден (2,00) – шанси 55 отсто спрема 45 отсто.

Пред почетокот на изборите, ситуацијата беше во корист на Бајден, бидејќи шансите за него беа 1,50, а за Трамп 2,70.

06.08 – Претседателски избори во САД: Три клучни држави нема наскоро да објават резултати

Изборните власти во Мичиген, Висконсин и Пенсилванија соопштија дека вечерва (по локално време) нема да можат да ги соопштат изборните резултати.

Мичиген носи 16, Висконсин 10, а Пенсилванија 20, што значи дека на вкупно 46, веројатно одлучувачки, електорски гласови ќе мора да се чека некое време.

Фото: EPA-EFE/LUKAS COCH AUSTRALIA AND NEW ZEALAND OUT

Според Си Ен Ен Доналд Трамп има 132, а Џо Бајден 205 електорски гласови. Според АП, Трамп – 137, Бајден – 209. Според Фокс Трамп – 204, а Бајден – 227 електорски гласови.

Вкупно има 538 електроски гласови, а за место во Белата куќа потребни се 270.

05.42 – Изборната трка ќе се сведе на Аризона, Пенсилванија, Мичиген и Висконсин

По делумно преброени гласачки ливчиња на претседателските избори во САД, тамошните медиуми прават проекциите за тоа кој кандидат добил колку електорски гласови, во зависност од тоа во колку сојузни држави.

Според најновите податоците за тоа дали републиканецот Доналд Трамп ќе остане во Белата куќа или на негово место ќе дојде демократот Џо Бајден ќе одлучуваат гласовите од Аризона, Пенсилванија, Мичиген и Висконсин. Телевизијата Фокс веќе јави дека Трамп победил во Аризона, додека останатите медиуми се се уште воздржани бидејќи не е завршено броењето на гласовите.

Според Си Ен Ен Трамп има 114, а Бајден 192 електорски гласови. Според АП, Трамп – 137, Бајден – 209. Според Фокс Трамп – 148, а Бајден – 223.

Фото: EPA-EFE/JEON HEON-KYUN

Експертите потенцираат дека се уште е рано за предвидување на крајниот резултат, со оглед на тоа дека се собираат податоци од различни места, односно и од вчерашните избори, гласањето по пошта, предвременото гласање. Медиумите, изразувајќи се со спортска терминологија, посочуваат дека изборите се уште во прво полувреме.

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

05.14 – Си Ен Ен: Кој ќе освои 270 електорски гласови – засега Бајден 192, Трамп 108

По делумно преброени гласачки ливчиња на претседателските избори во САД, тамошните медиуми прават проекциите за тоа кој кандидат добил колку електорски гласови, во зависност од тоа во колку сојузни држави победил.

Според Си Ен Ен засега кандидатот на Демократската партија Џо Бајден освоил 118 електорски гласови, а републиканецот Доналд Трамп – 105. Демократскиот кандидат победи во Калифорнија, која носи најголем број електорски гласови – 55.

Фото: EPA-EFE/JEON HEON-KYUN

 

Според Асошејтед прес Бајден има 209, а Трамп 112. Според Фокс Бајден има 207, а Трамп 148 електорски гласови.

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

Експертите потенцираат дека се уште е рано за предвидување на крајниот резултат, со оглед на тоа дека се собираат податоци од различни места, односно и од вчерашните избори, гласањето по пошта, предвременото гласање.

05.00 – Си Ен Ен: Кој ќе освои 270 електорски гласови – засега Бајден 118, Трамп 105

По делумно преброени гласачки ливчиња на претседателските избори во САД, тамошните медиуми прават проекциите за тоа кој кандидат добил колку електорски гласови, во зависност од тоа во колку сојузни држави победил.

Според Си Ен Ен засега кандидатот на Демократската партија Џо Бајден освоил 118 електорски гласови, а републиканецот Доналд Трамп – 105.

Според Асошејтед прес Бајден има 131, а Трамп 127. Според Фокс Бајден има 133, а Трамп 115 електорски гласови.

Гласање во Тампа / Флорида, 3 ноември 2020 / Фото: EPA-EFE/PETER FOLEY

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

04.27 – Првични делумни резултати: Неизвесна претседателска трка во САД

Се пребројуваат гласовите од претседателските избори во САД. Посебно се важни гласовите во т.н. „колебливи” држави, каде однапред не се знае победникот, за разлика од традиционално демократските или републиканските сојузни држави.

Кандидатот на Републиканската партија Доналд Трамп досега победи во западна Вирџинија (5 електорски гласови), Тенеси (11), Алабама (9), Мисисипи (6), Мисури (10), Оклахома (7), Арканзас (6), Кентаки (8), Индијана (11), Вајоминг (3), Северна Дакота (3), Јужна Дакота (3), Луизијана(8), Небраска (5 – во оваа држава не важи принципот „победникот носи сè, туку електорите се делат пропорционално на освоените гласови) или вкупни 95.

Луѓе во ресторан во Шангај, Кина ги очекуваат резултатите во САД/ 4 ноември 2020/ Фото: EPA-EFE/ALEX PLAVEVSKI

Кандидатот на Демократската партија Џо Бајден победи во Илиноис (20 електорски гласови), Вирџинија (13), Мериленд (10), Њу Џерси (14), Конектикат (7), Масачусетс (11), Мејн (4 – во оваа држава не важи принципот „победникот носи сè, туку електорите се делат пропорционално на освоените гласови), Далавер (3), Вермонт (3), Колорадо (9), Њујорк (29), Роуд Ијланд (4), Дисктрикт Колумбија (3), или вкупно 130.

По делумно пребројани гласачки ливчиња, во Њу Хемпшир (4) води Бајден со 550 наспроти 43 отсто за Трамп. Флорида (29) Води Трамп со 51,3 наспроти Бајден со 47,8 отсто. Џорџија (16) Трамп има 56,5, а Бајден 42,5 отсто. Охајо (18) води Трамп 50 отсто, Бајден 48,7 отсто. Северна Каролина (15) Води Бајден со 49,5, а Трамп има 49,3 отсто по 87 проценти пребројани гласови. Јужна Каролина (9) Води Трамп 55,6 наспроти Бајден 43,2 отсто. Тексас (38) води Трамп со 49,5 наспроти Бајден со 49,2 отсто од преброени 64 гласови. Канзас (6) Води Бајден со 52, а Трамп 46 проценти. Пенсилванија (20) – води Бајден со 51 отсто, за Трамп 45 проценти. Мичиген (16) – води Трамп со 55 отсто, а Бајден има 43 отсто. Минесота (10) – води Бајден со 64 наспроти 33 проценти на Трамп. Висконсин (10) – води Трамп со 51, а Бајден има 47,5 отсто. Њу Мексико (5) – води Бајден со 62 отсто, а за Трамп се 35,6 проценти од гласовите.

Вкупно има 538 електроски гласови, а за место во Белата куќа потребни се 270.

03.54 -Теоретичарка на завери избрана за пратеничка во Конгресот на САД

Приврзаничката на Доналд Трамп, Марџори Тејлор Грин, многу блиска до екстремно десничарското движење на приврзаници на теоријата на завери КуАнон, избрана е за пратеичка во Претставничкиот дом на Конгресот на САД.

Ова крајно-десничарско движење тврди дека Трамп води тајна војна против глобална секта составена од сатанистички педофили и „длабока држава” – тајна организација во која се највисоки државни функционери, семејството Клинтон, семејството Обама, Ротшилд, милијардерот Џорџ Сорос, холивудски ѕвезди и многу други.

03.44 – Тесна борба меѓу Трамп и Бајден во клучните држави

Се пребројуваат гласовите од претседателските избори во САД. Посебно се важни гласовите во т.н. „колебливи” држави, каде однапред не се знае победникот, за разлика од традиционално демократските или републиканските сојузни држави.

Според засега преброените гласачки ливчиња, тесна борба се одвива меѓу актуелниот претседател Доналд Трамп и кандидатот на демократите Џо Бајден во клучните држави Флорида, Џорџија, Северна Каролина, Пенсилванија и Тексас.

Пенсилванија, САД / EPA-EFE/TRACIE VAN AUKEN
Пенсилванија, САД / EPA-EFE/TRACIE VAN AUKEN

Според проценките на Њујорк Тајмс, Трамп е во добра позиција да ја освои Флорида, што доколку се оствари ќе има добри шанси за нов мандат во Белата куќа. Но сепак, ќе треба да освои и повеќе клучни држави, каде засега заостанува зад Бајден, кој е во предност во Охајо, Северна Каролина и Пенсилванија.

Во традиционалното упориште на републиканците – Тексас, сега се води неизвесна трка, а Трамп води во Џорџија.

Без големи изнесувања, кандидатите си ги освоија „своите” држави, па така Бајден победи во Вирџинија, Вермонт, Масечусетс, Мериленд, Илиноис, Њу Џерси, Њујорк, Роуд Ајланд, Дистрикт Вашингтон и Делавер.

Трамп победи во Оклахома, Мисури, Алабама, Тенеси, Индијана, Кентаки, Западна Вирџинија, Арканзас, Јужна Дакота, Вајоминг и Мисисипи.

03.10 -Проекции на медиуми: Бајден во водство, се чека на Флорида

По делумно преброени гласачки ливчиња на претседателските избори во САД, тамошните медиуми прават проекциите за тоа кој кандидат добил колку електорски гласови, во зависност од тоа во колку сојузни држави победил.

Поддржувачи на Трамп слават на улиците во Мајами откако прогласена е победа на републиканците во оваа држава / 3 ноември 2020, Мајами, Флорида, САД / Фото: EPA-EFE/CRISTOBAL HERRERA-ULASHKEVICH
Поддржувачи на Трамп слават на улиците во Мајами откако прогласена е победа на републиканците во оваа држава / 3 ноември 2020, Мајами, Флорида, САД / Фото: EPA-EFE/CRISTOBAL HERRERA-ULASHKEVICH

Според Си Ен Ен кандидатот на демократите Џо Бајден засега има 73, а републиканецот Доналд Трамп има 48 електорски гласови.

Според АП Трамп има 92, а Бајден 119 електорски гласови.

Според Фокс, Трамп има 94, а Бајден 129 електорски глас.

Во клучната државата Флорида, која носи дури 29 електроски гласови се уште се во трка и двајцата кандидати, но водството на Трамп се зголеми на 51 наспроти 48,5 проценти по преброени 95 отсто од гласачките ливчиња..

02.48 – Според Си Ен Ен води Трамп, според Фокс Бајден

По делумно преброени гласачки ливчиња на претседателските избори во САД, тамошните медиуми прават проекциите за тоа кој кандидат добил колку електорски гласови, во зависност од тоа во колку сојузни држави победил.

Според Си Ен Ен кандидатот на демократите Џо Бајден засега има 30, а републиканецот Доналд Трамп има 42 електорски гласови.

Според АП Трамп има 61, а Бајден 85 електорски гласови.

epaselect epa08797554 People gather to watch results in the presidential election on a screen in Times Square in New York, New York, USA, 03 November 2020. Americans vote on Election Day to choose between re-electing Donald J. Trump or electing Joe Biden as the 46th President of the United States to serve from 2021 through 2024. EPA-EFE/JUSTIN LANE

Според Фокс, Трамп има 73, а Бајден 91 електорски глас.

Во клучната државата Флорида, која носи дури 29 електроски гласови се води „мртва” трка и наизменично двајцата кандидати преминуваат во водство.

02.37 – Проекција на Си Ен Ен: Трамп со 42, а Бајден со 30 електорски гласови

По пребројувањето на дел од гласачките ливчиња Си Ен Ен прави проекција за тоа по колку електроски гласови добиваат републиканецот Доналд Трамп и кандидатот на демократите Џо Бајден.

Според делумно преброени гласови, Си Ен Ен проектира дека засега Бајден добива 30, а Трамп 42 електроски гласови.

Според Си Ен Ен, Трамп победува во Кентаки, Оклахома, Индијана, Тенеси Северна Каролина, а Бајден во Далавер, Дисктрикт Вашингтон, Мериленд, Масачусетс и Вермонт.

Броење гласови во Детроит / 4 ноември 2020, Мичиген, САД / Фото: EPA-EFE/JEFFREY SAUGER
Броење гласови во Детроит / 4 ноември 2020, Мичиген, САД / Фото: EPA-EFE/JEFFREY SAUGER

Во клучната државата Флорида, која носи дури 29 електорски гласови се води „мртва” трка и наизменично двајцата кандидати преминуваат во водство.

Гласачите не гласаат директно за Трамп или Бајден, туку избираат електори (гласачи), демократи или републиканци, кои во декември формално бираат претседател (Изборен колеџ).

02.22 – Проекција на Си Ен Ен: Засега Бајден со 30, а Трамп со 37 електорски гласови

Почнаа да пристигнуваат првичните резултати од претседателските избори во САД, каде се натпреваруваат републиканецот Доналд Трамп и кандидатот на демократите Џо Бајден.

Според делумно преброени гласови, Си Ен Ен проектира дека засега Бајден добива 30, а Трамп 37 електроски гласови.

Според Си Ен Ен, Трамп победува во Кентаки, Оклахома, Индијана и Тенеси, а Бајден во далавер, Дисктрикт Вашингтон, Мериленд, Масачусетс и Вермонт.

Демократскиот претседателски кандидат Џо Бајден со сопругата Џил се обратија до јавноста од Вилмингтон / 3 ноември 2020 / Делавер, САД / Фото: EPA-EFE/JIM LO SCALZO
Демократскиот претседателски кандидат Џо Бајден со сопругата Џил се обратија до јавноста од Вилмингтон / 3 ноември 2020 / Делавер, САД / Фото: EPA-EFE/JIM LO SCALZO

Во клучната државата Флорида, која носи дури 29 електроски гласови се води „мртва” трката и наизменично двајцата кандидати преминуваат во водство.

Гласачите не гласаат директно за Трамп или Бајден, туку избираат електори (гласачи), демократи или републиканци, кои во декември формално бираат претседател (Изборен колеџ).

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

02.04 – Бајден води во Охајо, државата во која победниците стануваат претседатели од 1964.

Според проекцијата на Си Ен Ен, кандидатот на демократите Џо Бајден победува во Охајо, што е значајно и затоа што републиканските кандидати кои победуваа во таа држава последните 56 години, секогаш стануваа претседатели.

По преброени шест проценти од гласовите Бајден има 74 проценти, а Доналд Трамп 24 проценти од гласовите. Државата носи 18 изборни гласови.

Поддржувач на Доналд Трамп на улиците во Вашингтон ДС / 4 ноември 2020 / Фото: EPA-EFE/SHAWN THEW
Поддржувач на Доналд Трамп на улиците во Вашингтон ДС / 4 ноември 2020 / Фото: EPA-EFE/SHAWN THEW

Според Си Ен Ен, Охајо е држава во која Трамп мора да победи. Ниту еден републиканец досега не освоил мандат без да победи во Охајо.

01.44 – Првични резултати: Засега Трамп освојува 11, а Бајден три електорски гласа

Почнаа да пристигнуваат првичните резултати од претседателските избори во САД, каде се натпреваруваат републиканецот Доналд Трамп и кандидатот на демократите Џо Бајден.

Трамп убедливо води во Индијана, со 65,5 наспроти 32,7 отсто за Бајден по пребоени осум отсто од гласовите. Државата носи 11 електорски гласови.

Бајден убедливо води во Вермонт, со 72 наспроти 25,5 отсто за Трамп, по преброени три отсто од гласовите. Државата носи три електроски гласови.

Гласачите не гласаат директно за Трамп или Бајден, туку избираат електори (гласачи), демократи или републиканци, кои во декември формално бираат претседател (Изборен колеџ).

Фото: kpbs.org

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

01. 24 Трамп води во Кентаки, Њу Хемпшир и Флорида, но прерано за да се прогнозира

Почнаа да пристигнуваат и резултатите од претседателските избори во САД, каде се натпреваруваат републиканецот Доналд Трамп и кандидатот на демократите Џо Бајден.

Освен во Индијана, Трамп води и во Кентаки. ПО пребројани 16 отсто од гласачките ливчиња, американскиот претседател води со 54,2 отсто наспроти 44,2 проценти на Џо Бајден. Кентаки има осум електроски гласови.

Во Њу Хемпшир Трамп води со 61,5 отсто наспроти 38,5 отсто за Бајден, но по само еден отсто преброени гласови. Државата носи четири електроски гласови.

Трамп води и на Флорида, и тоа по преброени шест проценти од ливчињата со 57,2 наспроти 47 проценти за Бајден. Државата носи 29 гласа.

Фото: EPA-EFE/SHAWN THEW

Во Индијана, по преброени седум проценти од гласовите, води Трамп со 63 наспроти 34 отсто за Бајден. Државата носи 11 електроски гласови.

Гласачите не гласаат директно за Трамп или Бајден, туку избираат електори (гласачи), демократи или републиканци, кои во декември формално бираат претседател (Изборен колеџ).

Во 48 од 50 држави важи правилото според кое кандидатот за кого во државата гласале мнозинство од гласачите, автоматски ги добива гласовите на сите електори во таа држава. Само во државите Мејн и Небраска, гласовите на електорите можат да се делат пропорционално меѓу кандидатите во зависност од добиените гласови. Вкупно има 538 електроски гласови, а за место во Белата куќа потребни се 270.

01.06 Излезени анкети: Трамп убедливо води во Индијана

Во сојузната американска држава Индијана затворени се гласачките места во два окрузи. Излезните анкети покажуваат дека Доналд Трамп таму води со 70 наспроти 30 проценти во однос на демократскиот кандидат за претседател Џо Бајден.

Индијана е традиционално црвена, односно држава каде сигурна победа освојуваат републиканците.

Индијана има 11 електроски гласови. за претседател се неопходни 270 електроски гласови.

00.36 Излезна анкета: економијата и пандемијата на коронавирус најважни за американските гласачи

Според излезната анкета на „Едисон Рисрч”, 30 проценти од американските гласачи ја издвоиле економијата како главно прашање при одлучувањето за кој претседателски кандидат да гласаат, а за 20 проценти најважна е пандемијата.

Економијата и пандемијата се најважните проблеми за половина од американските гласачи кои гласаа на претседателските избори, според излезната анкета.

Четворица од 10 анкетирани гласачи сметаат дека напорите на американската држава да се бори против коронавирусот се „многу лоши”, односно дека земјата не се соочила со пандемија на добар начин.

Половина од гласачите велат дека за нив е поважно да ја потиснат епидемијата, дури и ако и штети на економијата.

Фото: EPA-EFE/TRACIE VAN AUKEN

Гласачите денеска, но и претходните денови со предвремено гласање одлучуваат дали американскиот претседател Доналд Трамп ќе остане во Белата куќа уште четири години или ќе биде заменет со кандидатот на демократите Џо Бајден.

Повеќе од 100 милиони луѓе гласаа однапред, што е 72 проценти од вкупниот одѕив на претходните избори во 2016 година. Излезните анкети се темелат на истражување на гласачи при напуштање на избирачкото место.

23-56 – Републикански гувернер гласаше за Бајден

Гувернерот на Вермонт, републиканец Фил Скот, денеска гласаше на претседателските избори во САД за Џо Бајден.

Скот е првиот републикански гувернер кој јавно го поддржа кандидатот за претседател на Демократската партија.

23.43 -Три сценарија за изборната ноќ во САД

САД денеска избираат претседател на државата. Но дали тоа ќе биде републиканецот Доналд Трамп или демократот Џо Бајден можно е да се дознае денови, па дури и недели подоцна.

Аксиос наведува три можни сценарија:

1) Брза победа: Оваа би се случило само ако Џо Бајден вечерва оствари убедлива победа на Флорида – или евентуално неочекувана победа во голема држава како Тексас или комбинација на помали држави.

Доколку тоа се случи, а маргините беа доволно јасни дека државите може да бидат за Бајден, тогаш нема шанса за претседателот Трамп да освои 270 електроски гласови, неопходни за мнозинското од Изборниот колеџ. Помалку е веројатно дека има држава што Трамп би можел да ја добие рано, барем според најновите трендови во анкетите, што би го завршила патот на Бајден исто толку ефикасно

Фото: EPA-EFE/Amanda Sabga

2) Изборна недела: Ова е сценарио ако има доволно држави каде резултатите на двајцата кандидати се толку блиску што не можат да се соопштат вечерва – но може да се утврдат утре, или евентуално до крајот на неделата.

Според ова сценарио, историската лавина од гласачки ливчиња може да стане поважна – особено во држава како Пенсилванија, каде можно е да не се знаат резултатите барем до петок.
Но, исто така е можно дека ќе знаеме доволно за трендовите во големите држави како Флорида, Висконсин и Мичиген, што би дало идеја да се насети кон каде се движат резултатите.

Друго сценарио би можело да биде, спротивно на резултатите од анкетите за изборната ноќ, дека не само што Трамп ќе ги задржи државите што ги освои во 2016 година, туку исто така ќе победи во уште една или повеќе други мали држави. Дури и ако е прерано да се прогласи победа, тоа може да го пренасочи разговорот околу моментумот и очекувањата

3) Ќор-сокак: ова е сценариото од кошмарите – каде резултатите се толку блиску во Пенсилванија или други држави што судските процеси можат да сопрат сè.
Во ова сценарио, адвокатите на кампањата Трамп најверојатно ќе ги оспорат гласачките ливчиња што пристигнуваат по Денот на изборите и ќе тврдат дека не треба да се бројат, иако датумот на испраќање е до денот на избори. Тоа може да оди до Врховниот суд, каде сојузниците на Трамп имаат добри шанси со оглед на дополнителната доминација на конзервативците во судот по потврдата на Ејми Кони Барет за врховен судија.

Тие, исто така, би се бореле против сите обиди на демократите да ги задржат гласачките места подолго отворени денеска и да се борат за пристап за преглед на пребројувањето на гласачките ливчиња.

Демократските адвокати се подготвени да одговорат на какви било правни предизвици на републиканците, и тие исто така се подготвени да поднесат тужба за да ги задржат отворените избирачки места, посочува Аксиос.

Според ова сценарио, би можело да поминат неколку недели пред да го знаеме исходот од претседателските избори во САД.

23.07 – Трамп убеден во победа, Бајден – суеверен, па не сака да прогнозира

Општите избори во САД, на кои се избираат претседател на државата, 35 сенатори и 435 членови на Претставничкиот дом, како и 13 гувернери, минуваат во мирна атмосфера, без поголеми нерегуларности.

Актуелниот претседател Доналд Трамп тврди дека Републиканската партија убедливо води во клучните држави, од кои ќе зависи резултатот од изборната трка.

Тој посочи дека републиканците добро стојат во Флорида, многу добро во Аризона и неверојатно добро во Тексас. Според Политикал пулс републиканците засега на Флорида имаат предност од околу 170.000 гласови. Аналитичари за Си Ен Ен изјавија дека на Трамп му е неопходна победа на Флорида за победа во претседателската трка, додека пораз на Флорида за Џо Бајден може да значи само потежок пат до победа. Исто така, републиканците поднесоа тужба во округот Монтгомери во Пенсилванија поради наводно нерегуларно пребројување на гласовите пристигнати по електронска пошта. Републиканците бараат гласовите да се поништат.

Што се однесува на кандидатот на демократската партија Џо Бајден, тој рече дека не сака да прогнозира од суеверие. И Трамп не сакал да баксузира, па затоа не подготвил победнички говор.

Генерална оценка е дека изборите минуваат мирно, со мали нерегуларности и инцидентити. Во Пенсилванија, гласањето во три изборни единици започна малку подоцна, па и изборните резултати ќе доцнат од таа држава, во Џорџија, една изборна единица имаше проблеми со автоматизираниот систем на гласање, но беше брзо решен проблемот. Во Небраска, ФБИ истражува неидентификуван извор кој ги повика луѓето да останат дома на денот на изборите. Во Њјорк беа примени неколку гласачки ливчиња во име на починатиот. Во Северна Каролина, како што соопшти Њујорк Тајмс, уапсено е едно лица со капа МАГА (слоганот на Трамп) кој вооружен дошол на гласачкото место и откако гласал и останал во близина за да „внимава” на останатите гласачи. Набрзо полицијата го привела.

23.00 – Мачно прашање на светските лидери: – Кога да му се честита на победникот на американските претседателски избори?

Додека Американците одат на гласање, премиерите и претседателите ширум светот се соочуваат со чувствително прашање: во кој момент да му честитаат на евентуалниот победник, особено со оглед на можноста за оспорување на изборните резултати.

Постои можност гласовите на гласачите да одат во една насока, а Изборниот колегиум што всушност го избира победникот –  во другиот правец. Претседателот Доналд Трамп исто така постојано предупредуваше дека гласањето по пошта е предмет на измама, сугерирајќи дека тој може да не ги прифати изборните резултати и рече дека Врховниот суд може да донесе одлука за нов претседател на САД.

Избори во Бостон, САД, 03 ноември 2020/Фото: EPA-EFE/Amanda Sabga

Советниците за надворешна политика потсетуваат на изборите во САД во 2000 година кога мноштво лидери, вклучително и претседателите на Германија и Франција, премиерот на Нов Зеланд и владејачката партија во Јужна Африка, Јужна Кореја и Јапонија му честитаа на Џорџ. Буш откако американските телевизиски мрежи го прогласија за победник.

Дури пет недели подоцна Врховниот суд донесе одлука во негова корист, така што Буш го победи Ал Гор. Во меѓувреме, некои водачи ги повлекоа своите честитки, а некои само молчеа.

22.50 – Во Њујорк регистрирани случаи на гласање во име на починати лица

Случаи на гласање во име на починати лица се регистрирани во Њујорк, објави „Њујорк дејли њуз“. Според весникот, Изборниот совет добил гласачко ливче порано испратено од име на жена гласач родена во 1915 година, која живеела во областа на островот Стејтн Ајленд и починала во 2012 година.

Друго гласачко ливче во предвремено гласање е испратено во име на жена родена во 1919 година, која живеела во Бруклин.

Фото: EPA-EFE/JOHN G. MABANGLO

Според весникот, двете гласачки ливчиња добиени од Изборниот совет првично биле признати за валидни.

– Сметаме дека ова е само врв на ледениот брег”, изјави за весникот лидерот на Републиканската партија во Стејтн Ајленд.

На крајот на септември, градскиот Изборен совет беше принуден да препечати и да испрати на гласачите околу 100.000 гласачки ливчиња што содржеа грешки во имињата и адресите на гласачите, бидејќи неправилно пополнетите гласачки ливчиња може да се сметаат за неважечки за време на пребројувањето.

22. 35 – Твитер, Фејсбук и Гугл во обид да спречат ширење дезинформации на изборниот ден во САД

Твитер, Фејсбук, Гугл и другите интернет компании ќе бидат зафатени со следење на своите веб-страници и ќе одлучат дали и кога за да се запре со ширење дезинформации, објави вечерва „Гласот на Америка“.

По изборите во САД во 2016 година, за време на кои интернет компаниите беа критикувани затоа што дозволија на актери финансирани од странство да ги користат нивните мрежи за ширење дезинформации, тие ветија дека ќе преземат чекори за подобра заштита на нивните веб-страници.

Кога започна пандемијата, компаниите почнаа подиректно да се занимаваат со дезинформации за здравствената криза, велат аналитичари, и се свртеа кон повеќе автоматизирани начини, како што е користење вештачка интелигенција.

– Таквите практики се прелеаа врз напорите за решавање на дезинформациите за изборите, рече Спандана Сајн, аналитичар на политики на Технолошкиот институт Нова Америка.

Сајн изјави дека интернет компаниите сега се приближуваат до модерирање на содржината на повеќе нијансиран начин, покрај тоа што само отстрануваат штетни или измамнички содржини.

Тие означуваат одредена содржина што е сомнителна и, во некои случаи, „алгоритамски ја намалуваат содржината. Но, невозможно е да се знае колку се подготвени за денот на изборите, рече таа.

Твитер почна да обележува некои фактички сомнителни твитови за изборни теми за да им даде на луѓето начин да најдат веродостојни информации и наведе дека на кандидатите нема да им биде дозволено да тврдат дека победиле на изборите пред објавувањето на резултатот.

Фејсбук соопшти дека може да се сврти кон своите таканаречени „скршени стакла”.

Што точно тоа значи, од компанијата не соопштија. Но, „Волстрит журнал” објави дека компанијата може да се сврти кон преземени мерки во Шри Ланка и Мјанмар, како што се деактивирање хаштагови поврзани со лажни информации за резултатите од изборите или сузбивање на вирусни објави кои шират пораки за насилство или лажни вести.

22. 27 – Бајден во Филаделфија: Избираме надеж наместо страв и вистина пред лаги

„Избираме надеж наместо страв, избираме вистина пред лаги, избираме наука наместо фантастика”, изјави демократскиот кандидат за изборите за претседател во САД, Џо Бајден.

Обраќајќи се на стотина поддржувачи на отворено во Филаделфија со помош на мегафон, Бајден се заложи дека ќе ја подобри контролата врз пандемијата на коронавирусот, во која во САД живот загубија повеќе од 232.000.

Џо Бајден / Фото: EPA-EFE/USA BIDEN HARRIS HANDOUT HANDOUT EDITORIAL USE ONLY/NO SALES

Тој порача дека доколку победи, ќе ги обедини САД, а не да ја дели на црвена и сина Америка.

Бајден, исто така, оцени дека како гласа Филаделфија, така ќе гласа и Пенсилванија.

Пенсилавија се смета за една од т.н. „колебливи” држави, од каде доаѓаат 20 електорски гласови.

22.00 – Поранешен банкар се обложи за пет милиони долари за победа на Трамп

Букмејкери прифатиле облог од пет милиони долари на победа на Трамп на претседателските избори, за кои се верува дека е најголемиот политички облог во историјата.

Поранешен банкар користел приватни обложувачници регистрирани на карипскиот остров Курасао за облог од 37/20 – што значи дека би можел да освои 15 милиони долари доколку Трамп биде избран за втор претседателски мандат, изјавија извори за британски „Сан”.

Мистериозниот обложувач самоуверено влегол во овој огромен облог откако се консултирал со „упатените од таборот на Трамп”, истакнува весникот.

– Сметаме дека ова е најголемиот облог што некогаш е направен за политички настан, изјави извор од букмејкери. Во изминатите четири часа 71 отсто од облозите се за победа на Трамп, објавија од сајтот Oddscheker.

21.50 – Колку власт има американскиот претседател

Во САД, претседателскиот мандат е четири години, а претседателот може да биде реизбран само еднаш. Тој е шеф на државата и шеф на владата, т.е. управува со извршната власт, која патем вработува околу четири милиони луѓе. Работа на претседателот е да ги спроведува законите донесени од Конгресот. Покрај тоа, може да прими странски амбасадори и со тоа да ги признае државите.

Трите власти – законодавната, извршната и судската власт – се поделени и меѓусебно контролирани. Претседателот има право да помилува осудени и да номинира федерални судии, министри во кабинетот и американски амбасадори – но само со согласност на Сенатот. Ова е еден од механизмите со кои законодавниот дом ги контролира постапките на извршната власт.

Фото: EPA-EFE/Chris Kleponis / POOL

Американскиот претседател е должен редовно да го известува Конгресот за состојбата во земјата. Тој тоа го прави во својот годишен говор „За состојбата на нацијата”. Претседателот нема право за предлог-закони во Конгресот, но може да ги наведе своите приоритети за време на говорот. Ова значи дека тој има алатка да изврши притисок врз Конгресот – и тоа јавно. Но, ништо повеќе од тоа.

Претседателот може да одбие да потпише закон што му го испратил Конгресот за одобрување. Во тој случај, тој става вето на тоа. Конгресот на САД може да го надмине претседателското вето со само 2/3 мнозинство во двата дома. Во историјата на САД има 1.500 познати случаи на вето наметнато од претседателот. Од нив, само 111 се прегласани успешно, што изнесува нешто повеќе од седум отсто.

Американскиот устав и одлуките на Врховниот суд не даваат јасна идеја за тоа каква вистинска моќ има претседателот. Бидејќи тој има право на друг вид на вето, познато како „џебно вето”: тој може „да стави предлог-закон во џеб” и да го направи неважечки, без Конгресот да може да го изгласа повторно. Досега, овој трик е искористен речиси 1.000 пати.

Административните прописи издадени од него, т.н. „Извршните наредби” (Executive Оrders) имаат сила на закон. Сепак, тоа не значи дека се му е дозволено: судовите можат да ги поништат, а Конгресот може да ги спречи со соодветни закони. Покрај тоа, новиот претседател може да ги укине одредбите на неговиот претходник.

Претседателот има право да склучува договори со странски влади, кои, сепак, мора да бидат донесени со мнозинство од 2/3 во Сенатот. Ова може да се избегне ако, наместо договор, претседателот склучи еден вид меѓувладин „Извршен договор” (Executive Agreemen) за кој не е потребно одобрување од Сенатот. Ваквите договори важат се додека Конгресот не ги оспори или суспендира со закон.

Претседателот е врховен командант на армијата на САД, но само Конгресот може да објави војна. Сепак, не е многу јасно до кој степен претседателот може еднострано да располага со армијата во вооружен конфликт. По војната во Виетнам, Конгресот го донесе следното правило: Претседателот може да ги остварува своите овластувања се додека Конгресот не ги оспори.

Доколку претседателот ги надмине или злоупотреби своите овластувања или изврши кривично дело, Претставничкиот дом може да покрене постапка за разрешување. Досега имаше два такви обиди – и двата беа неуспешни. Многу поефикасна алатка за блокирање на претседателските напори е да се запре финансирањето на одредени претседателски иницијативи по гласањето во Конгресот.

21. 30 – ФБИ истражува автоматизирани пораки кои им порачуваат на луѓето дека не мора да гласаат

Федералното истражно биро (ФБИ) на САД истражува серија мистериозни автоматизирани повици и пораки со кои се повикуваат луѓето да останат дома на денот на изборите. Тоа го изјави претставник на Министерството за внатрешна безбедност. Се уште нема коментар од ФБИ.

Таквите пораки според претставник на Агенцијата за безбедност на интернет и инфраструктура се тактика на „заплашување на гласачите” и „обесхрабрување на гласачи”.

Гувернерката на Мичиген, Гречен Витмер, изјави дека државните служби „брзо ќе работат на отстранување на дезинформации”, а фокусот на ФБИ на ова прашање сигнализира дека федералните власти исто така сериозно го сфаќаат тие акции.

Според Вашингтон пост најмалку 10 милиони галсачи добиле такви пораки или повици, кои порачуваат „бидете безбедни, останете дома”.

21. 19 – Федерален судија нареди Американски Пошти да преземе вонредни мерки во врска со гласањето

Федерален судија обезбеди победа на групи за правата на гласање, наредувајќи им на Американските поштенски служби (УСПС) да спроведат физички чистење на места за обработка во пошта во неколку држави за да се обезбеди да нема неиспратени гласачки ливчиња по пошта.

Инспекторите за пошта „мора да осигурат дека нема задржани ливчиња и сите идентификувани гласачки ливчиња веднаш да се испратат за испорака”, нареди судијата Емет Саливан, кој во последните денови донесе бројни пресуди за гласање преку пошта во прилог на граѓанските групи за право на гласање.

Наредбата вклучува области на Пенсилванија и Флорида, две главни т.н. свинг-држави со голем број гласови во Изборниот колеџ.

21. 10 Трамп: Водам во Флорида и други клучни држави

Американскиот претседател Доналд Трамп на своите приврзаници им даде ажурирани информации за претседателската трка, велејќи дека добил добри вести од голем број клучни држави.

– Дознав дека многу добро се држиме на Флорида, многу добро се снаоѓаме во Аризона, неверојатно добро се снаоѓаме во Тексас. Слушам дека добро ни оди насекаде. Мислам дека ќе имаме одлична ноќ и што е уште поважно, ќе имаме одлични четири години, рече Трамп обраќајќи им се на своите приврзаници во изборниот штаб во Арлингтон, Вирџинија.

Право на глас имаат околу 240 милиони Американци. До пладне гласаа повеќе од 99 милиони Американци, што е над 40 отсто од гласачкото тело.

20. 50 – Во најмалку четири американски држави соборена излезноста од 2016 година

На Хаваите, каде граѓаните по првпат гласаа  преку е-пошта, својот глас веќе го дадоа 484.000 гласачи, што е повеќе отколку во 2016 година, кога имаше 429.000.

Од друга страна, во Тексас, 8,7 милиони луѓе излегоа на гласачките места, искористувајќи ја можноста за предвремено гласање, што одговара на вкупниот број на граѓани кои гласаа на претходните избори во таа сојузна држава.

Од утрово, најмалку четири држави – Тексас, Хаваи, Вашингтон и Монтана – веќе ја надминаа излезноста од 2016 година.

20. 31 – Белата куќа оградена со дополнителна ограда во случај на нереди во изборната ноќ

Околу Белата куќа во Вашингтон е подигната дополнителна ограда во висина од 2.5 метри, како дел од мерките во случај на немири поврзани со избоите во САД, соопшти Си Ен Ен.

Оградата започна да се поставува уште викендов, а покрива површина од 20 хектари. Оградата е направена од одделни панели од железна мрежа кои е невозможно да се прескокнат. Вакви огради се поставени и околу Лафајет скверот крај Белата куќа, каде изминативе месеци се одвиваа многубројни протестни акции поради смртаа на Афроамаериканецот Џорџ Флојд.

Слични подготовки за можнаи немири по изборите во САД има и кај многу продавнци, лоцирани во централните улици на Вашингтон, ни ви други америкаснки градови како Њујорк. Сопствениците ги заковуваат излозите со даски и дрвени панели.

20.27 – Првични податоци: рекордна излезност на Латиноамериканците на претседателските избори

Во трката за претседател на САД годинава на изборите излегоа рекорден број Латиноамериканци. Според првичните податоци, гласале 8,6 милиони, јавија американски медиуми.

Демократите работеа специјално за да ги привлечат Латиноамериканците избирачките места..

Според активисти за вклучување на Латиноамериканците на изборите, нивната излезност ја надминала бројката латиноамериканци кои излегоа на изборите кога се кандидираше Барак Обама.

19.46 – Њујорк Тајмс: Бајден води во четири „колебливи” држави

Според најновите анкети, кандидатот на демократите на претседателските избори во Америка, Џо Бајден, води во четирите најважни „колебливи” држави на денот на изборите.

Њујорк Тајмс објави дека Бајден, поранешен потпретседател, е пред Трамп на „бојните полиња” во Висконсин и Пенсилванија, како и на Флорида и Аризона, според анкетата спроведена од тој весник во соработка со колеџот Сиена.

Неговото водство е најизразено во Висконсин, каде тој има апсолутно мнозинство гласови и води со 52 напроти 41 процент.

На денешните избори, победникот е, може да се каже, однапред познат во 37 од 50 федерални држави во кои гласачкото тело има цврста поддршка за Доналд Трамп или Бајден. На изборната ноќ, фокусот ќе биде на преостанатите 13 во кои и двајцата кандидати можат да победат, па затоа се нарекуваат „колебливи држави” (swing states). Toа се Тексас, Флорида, Пенсилванија, Охајо, Џорџија, Мичиген, Северна Каролина, Аризона, Висконсин, Минесота, Невада, Ајова и Њу Хемпшир.

19. 25 – Ју Ес Тудеј: Полицијата се подготвува за можни нереди по изборите

Полицијата во американските градови и експертите следат екстремистички групи кои би можеле да предизвикаат нереди во изборната ноќ, јави Ју Ес Тудеј.

Според весникот, се следат екстремистите кои планираат активности во клучните, т.н. „колебливи” (свинг) држави, каде има најголем ризик за активности на вооружените групи.

Лидерот на десничарска група во Џорџија рече дека има војници кои се подготвени да одат на гласачките места доколку слушнат за изборна измама..

EPA-EFE/MICHAEL REYNOLDS

– Прво, влегуваме во тајност. Не сакаме да преплашиме никого. Ако откриеме измама, имаме подготвени луѓе и ако треба да го запреме гласањето – ќе го сториме тоа, рече тој, пренесува Ју Ес Тудеј.

Во меѓувреме, во голем дел од градовите низ целата земја, сопствениците на продавници и други бизниси со плочи ги заштитуваат изолзите, стравувајќи од можни немири во изборната ноќ. Независен извештај открива дека пет држави се особено изложени на ризик за активност на цивилни милиции на денот на изборите: Орегон, Висконсин, Мичиген, Пенсилванија и Џорџија. 

19.14 – Меланија Трамп гласаше на Флорида

Првата дама на САД, Меланија Трамп денеска гласаше на претседателските избори во Палм Бич, Флорида.

Меланија се појави на гласачките места во 9 часот по локално време.

Нејзиниот сопруг, Доналд Трамп гласаше минатата недела во Палм Бич, користејќи го правото на предвремено гласање.

– Гласав за некого по име Трамп, рече тогаш актуелниот претседател.

18.06 – Аксиос: Шефот на Генералштабот на САД уверува дека војската нема да се меша во изборите

Началникот на Здружениот генералштаб на американската армија, Марк Мили во текот на викендот имал разговори со генерали и уредници во медиуми за да ги ублажи спекулациите за потенцијално мешање на војската во претседателските избори, изјавиле блиски извори за Аксиос.

Според извор кој учествувал во онлајн разговорот, највисокиот воен претставник во САД го воспоставил крајно необичниот повик за да стане јасно дека улогата на армијата е аполитична – и да се негира поимање за улогата на војската во судење при спорни избори или носење каква било одлука околу смена на претседател од Белата куќа.

Фото: EPA-EFE/SHAWN THEW

 

Мили им рекол на уредниците дека американската војска нема да има никаква улога во мирниот трансфер на власта, додаде друг извор.

Било укажано да не бидат вознемирени ако видат фотографии на униформирана Национална гарда на денот на изборите; во моментов, тие не се федерализирани, туку служат по барање на гувернери.

Повикот следи по спекулациите во јавноста за улогата на војската од страна на активисти и политички лидери.

Неодамна Џо Бајден за локални медиуми изјави дека е „апсолутно убеден” дека војската „ќе го придружува Трамп од Белата куќа при испраќање” доколку одбие да ја напушти функцијата.

На онлајн состанокот биле и двајца високи генерали: Командантот на американската кибер команда Пол Накасоне и шефот на националната гарда Даниел Хокансон.

Генералите зборувале за воените напори да се обезбеди клучна инфраструктура од кибер напади.

17.17 -Аксиос: Ако пребројувањето на гласовите оди во негова полза, Бајден вечерва ќе прогласи победа

Доколку медиумите го прогласат демократот Џо Бајден за „математички избран претседател”, тој планира да и се обрати на нацијата како нејзин нов лидер, дури и ако претседателот Доналд Трамп продолжи да се бори на суд, велат советниците на Бајден за Аксиос.

Тој „ќе и се обрати на нацијата на изборната вечер во Вилмингтон, Делавер”, најавуваат тие.

Советниците на Бајден ја научија лекцијата од 2000 година, кога Ал Гор „остана назад” додека Џорџ Буш прогласи победа на тие спорни избори, ставајќи го демократот во дефанзива, додека Буш се однесуваше како победник.

Според нив, ако Бајден биде прогласен за победник, тој ќе почне да ја формира својата влада и ќе изгледа претседателски – и нема да се пофали со сомнежи дека Трамп може да се обиде да оспори.

Менаџерот на кампањата на Бајден, Џен О’Мали Дилон, изјави синоќа дека дури и ако не се избројат сите гласови вечерва, кампањата треба ќе има „многу добро чувство за тоа во кој правец движиме”:

„Ние навистина не сме загрижени за она што го вели Доналд Трамп…Ние ќе ги искористиме нашите податоци, нашето разбирање за тоа каде се движи ова и ќе се погрижиме потпретседателот да му се обрати на американскиот народ.

Фото: EPA-EFE/TRACIE VAN AUKEN

За да покаже моментум, Бајден може брзо да ги почне најавите за транзиција, почнувајќи од назначувања на високи соработници. На тој начин, главните соработници нема да мора да се грижат за своите работни места, туку веднаш ќе можат да се фатат за работа.

Бајден планира да го прифати она што еден доверлив човек го нарече „тон за поддршка” и да почне да зборува за патот напред во борбата против коронавирусот.

Оттаму, транзицијата би се движела со невидена брзина: Бајден имаше осум години во Белата куќа и е опкружен со соработници со децениско владино искуство.

Бајден има нацрти за екипирање на секоја агенција и има широки планови за извршни наредби, вклучително и оние за поништување на постапките на Трамп, посочува Аксиос.

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот