Театарски претстави кои се бројат на прсти, концерти и културни манифестации се поретко, а кино проекции само неколку дена во годината.

Ваква е сликата во Тетово на културен план. Младите во Тетово немаат избор за културен живот, па на крај има остануваат кафулињата.

„За жал Тетово не прави многу за повеќе културни манифестации. Има ресторани и кафулиња, но тоа не е култура, треба чинителите да вложат напор што повеќе да има културни активности во Тетово, вели една средношколка од Тетово.

Невладината организација „Лоја“ изминативе неколку дена организираше проекции на филмови на отворено во Музејот на КПМ. Тоа е една од ретките културни манифестации каде тетовци можат да уживаат во гледање на филм на бело платно. Организаторите велат дека интересот за фестивалот покажува дека на Тетово му треба кино сала. За тоа има услови, но потребна е поголема волја.

„Нашата активност тука е со друга цел, сакаме некои места во градот потенцијални да можат да се користат како места за културни активности, таков потенцијал има Музејот на КПМ, но и тетовското Теќе кое исто така не е искористено, а исто така со тоа ќе се исполнат барањата на младите. На Тетово му треба културни настани, а и тука се гледа на нашиот фестивал има интерес, рече Бујар Љума од невладината организација „Лоја“.

Во изминатите 4 дена невладината Центар за балканска соработка Лoja по 13-ти пат го организираше интернационалниот филмски фестивал „Watch out“ со проекции на отворено.