На 2 јули во Скопје се одржа првиот состанок на Комитетот за следење на Инструментот за реформи и раст (ИРР), нов механизам за поддршка на реформите во земјите од Западен Балкан. Состанокот го копретседаваа Џулио Венери од Европската комисија и министерот за европски прашања Орхан Муртезани.

Разговарано е за досегашниот напредок во спроведувањето на Реформската агенда и потребата од засилен ангажман, транспарентност и вклучување на граѓанското општество.

До крајот на јули ЕК ќе објави проценка за досега спроведените реформи, врз основа на која ќе се доделуваат нови средства.

Македонија веќе има добиено 24,4 милиони евра како дел од финансискиот пакет од 52,5 милиони евра.

ИРР е дел од поширокиот План за раст за Западен Балкан, вреден 6 милијарди евра, кој има за цел забрзување на евроинтеграциите и економската конвергенција со ЕУ.