Екстремно десничарската шведска Демократска партија денеска поднесе иницијатива за недоверба на премиерот Стефан Левен, што доколку биде усвоено, може да доведе до предвремени избори или формирање преодна влада што би функционирала се додека не се одржат редовните избори следната година.

Последниот потег се случи откако Левицата порано денеска објави дека повеќе нема да го поддржува Левен, кој е на чело на малцинска коалиција од изборите во 2018 година, бидејќи се спротивставува на планот на владата за укинување на контролата врз закупот на новоизградените станови.

„Ако имаме можност да ја замениме оваа штетна влада, ќе го сториме тоа”, рече на прес-конференција Хенрик Винге, лидер на Демократската партија.

Политичката сцена во Шведска е сериозно поделена од изборите во 2018 година.

Премиерот Стефан Левен предводи малцинска влада на левиот центар, што се потпира на поддршката на Левичарската партија и на уште две мали партии од десниот центар.