Европската агенција за хемикалии денеска соопшти дека во 400 од 2.400 производи кои минатата година биле контролирани во 26 земји-членки на ЕУ, биле откриени отровни материи. Утврдено е дека една од четири играчки, како што се кукли, костими, душеци за играње и пластични фигури, ги прекршуваат законите на ЕУ за опасни хемикалии, пренесува EуOбсервер.

Националните агенции на ЕУ открија „прекумерно ниво на опасни хемикалии“ како што се олово и пластификатори во 18 отсто од тестираните производи за широка потрошувачка. Најчесто контролирани производи кои содржат токсични хемикалии се електричните апарати, спортската опрема, играчките и модните производи. Извештајот нагласува како увозниците и онлајн пазарите, вклучително и Амазон, имаат повисока стапка на неусогласеност со правилата на ЕУ отколку производителите и дистрибутерите. Во 39 проценти од случаите, компаниите решиле доброволно да ги повлечат своите производи од пазарот, а исто така и од нивните веб-страници.

ВИДЕО- АНКЕТА: Граѓаните знаат за опасните дуксери, за децата преферираат памучна облека

Сепак, инспекторите од различни агенции на ЕУ донеле мерки за извршување во четвртина од случаите, иницирајќи повеќе формални и правно обврзувачки дејствија за неусогласеност. Казните се изречени во 18 отсто од случаите, додека 58 од најтешките предмети се предадени на полицијата или на јавното обвинителство. Истрагата покажа дека компаниите не го почитувале водечкото законодавство на ЕУ за хемикалии РИЧ во 13 отсто од случаите. Сепак, половина од прекршувањата се однесуваат на правилата за употреба на одредени опасни хемикалии во електрична и електронска опрема, пренесува Танјуг.

Стратегијата на ЕУ за хемикалии за 2020 година се обврзува да ја забрани несуштинската употреба на најштетните хемикалии во производите за широка потрошувачка. Европската комисија минатата недела предложи да се изменат три закони за да се забрзаат ограничувањата за најопасните хемикалии. Предлогот, исто така, има за цел да ја зголеми соработката меѓу различните агенции на ЕУ и да го подобри собирањето податоци за хемикалиите кои се наоѓаат во телата на луѓето за подобро да се проценат нивоата на изложеност.

Внимавајте што купувате за децата, се продаваат опасни дуксери, комплети и фармерки

-Од клучно значење е да ги држиме штетните хемикалии подалеку од работите што ги користиме секојдневно, а овие предлози се голем чекор во вистинската насока“, рече Директор за политика за хемикалии во Европското биро за животна средина Татјана Сантос.

Како што беше објавено во ноември, истрагата на Европската агенција за хемикалии открила и токсични хемикалии во производите за детска нега, како што се пелени, автомобилски седишта, лигавчиња и душеци за менување бебиња. Кога станува збор за пелени, истрагата покажа дека овие производи може да содржат токсични хемикалии и метали како што се кадмиум, кобалт и олово. Исто така, се додава дека во 2020 година, Франција предложи ограничување на опасните материи во пелените за еднократна употреба, но Европската комисија го затвори процесот откако француските власти не презентираа доволно научни докази.