Капитенот на „кралскиот“ клуб, Серхио Рамос, го повика капитенот на најлутиот ривал да не си заминува од „Камп Ноу“.

– Меси заслужува сам да одлучува за сопствената иднина, но поради шпанскиот фудбал и поради Барселона и Реал Мадрид би сакал да остане. Тој нашата лига ја прави подобра, а нашите дуели во Ел Класико поубави. Меси е еден од најдобрите на светот и без него нема да биде исто. Заслужува максимален респект и не треба да му се става дополнителен притисок при носењето на одлуката – изјави Рамос.