Во престрелка во тетовското село Гајре, осомничен во истрага за убиство којшто бил баран со потерница отворил оган кон полиција.

Како што објави телевизија Телма, при обидот полицијата да го уапси осомничениот, тој пукал, а во престрелката бил ранет. Застреланиот починал на пат кон болница.

Се работи за лице за кое е распишана потерница по убиството на 5-ти јули, кога во Тетово беше убиен 40-годишен маж. Полицијата се сомневала дека зад убиството стои бегалецот кој беше застрелан кај Гајре.

Според МВР, на 5-ти јули во 20.35ч. во СВР Тетово е пријавено дека на ул.„Штипска“ едно лице кое било со возило „Мерцедес“ пукало кон возило „БМВ“, во кое било лицето со иницијали Р.Т., кое од добиените повреди починало.

Повеќе медиуми на албански јазик тогаш објавија дека станува збор за продолжение на стара пресметка меѓу две групи и дека убиството на 5-ти јули е поврзано со пукањето во тетовската болница пред неколку месеци, кога исто така имаше настрадани.