Поранешната девојка на Шон Диди Комбс, Касандра Каси Вентура, за време на потресноот сведочење во судот, проговори за својата врска со контроверзниор рапер, вклучувајќи го и првиот пат кога ја бакнал.

Каси детално ја раскажа наводната злоупотреба што ја претрпела додека била со Комбс, како и природата на таканаречените забави „фрик оф“ што ги организирал раперот. Обвинителите веруваат дека токму на овие забави се одвивале нелегалните активности.

Зборувајќи на суд на 13 мај, Каси рече дека Диди за првпат ја бакнал во август 2007 година, на нејзиниот 21-ви роденден во Лас Вегас, по настан поврзан со доделувањето на наградите за видео музика на Ем-ти-ви.

Таа објасни како се чувствувала во тоа време и додаде дека плачела по бакнежот.

„Имаше разлика во годините од 17 години меѓу нас. Бев многу збунета во тоа време, знаете, нов уметник. Бев прилично наивна“, рекла таа.

Кога ја прашаа дали сакала бакнеж, таа рекла „не“, додавајќи: „Не на мојот роденден“.

Зборувајќи за динамиката на врската по роденденската забава, таа потврди дека сè уште сакала да биде блиска со музичкиот могул.

„Сакав да бидам околу Шон од истите причини како и сите други во тоа време. Тој беше возбудлив, забавен, харизматичен човек кој ја држеше и мојата кариера во свои раце“, рекла таа.

Каси, исто така, зборуваше за наводната природа на нивната врска и рече дека Комбс постојано ја злоупотребувал. Како одговор на прашањата од помошничката на американската обвинителка Емили Џонсон, таа рече дека неговите емоции варирале од ден на ден и дека кога ќе се „превртел“, тој покажувал „гнев“.

Зборувајќи за тоа како тоа влијаело врз неа, таа рече: „Многу. Следното нешто што го знаев, ме удри во лицето. Имаше и психолошко злоставување. Ми велеше да внимавам што зборувам, да го сменам изразот на лицето“.

Диди, исто така, беше цел на обвинувања за насилство откако беше објавена снимка од надзорна камера од 2016 година, на која се гледа како физички ја напаѓа Каси во ходник на хотел.

Музичкиот могул беше уапсен минатиот септември додека беше во Њујорк и се соочува со голем број обвиненија, вклучувајќи рекетирање и трговија со луѓе со сила, измама или принуда. Тој ги негира сите обвиненија.

ФОТО | Џастин Бибер проговори за своите темни мисли: „Го обвинував Бога, се губам себеси“