Во основното училиште „Његош“ во општина Гази Баба во тек се градежни активности за подобрување на условите за образование и воспитание на учениците. Во училиштето се врши комплетна реконструкција на спортската сала, а се работи и на санирање на ѕидовите и подовите низ целиот училишен објект, со што ќе се подобри целокупната училишна инфраструктура.

Градежно-занаетчиските активности ги реализираме токму во летниот период, со цел учениците да ги пречекаме во подобри услови на почетокот на новата учебна година. Образованието е темелот на секое општество. Како Општина, постојано вложуваме во подобрување на образовната инфраструктура, затоа што веруваме дека секое дете заслужува пристап до квалитетно образование во соодветна средина.  Покрај ООУ „Његош“, вакви активности се спроведуваат и во други училишта низ општина Гази Баба, бидејќи иднината на нашата заедница се гради токму преку вложување во нашите најмали, информира градоначалникот на Гази Баба, Бобан Стефковски.