Фото: Pexels/Anna Shvets

Во новата студија невролози откриваат: Неколку симптоми може да се појават пет години пред дијагностицирање на мултипла склероза

Новата студија на невролозите од Универзитетот Сорбона во Париз покажа дека има неколку познати симптоми кои ги погодуваат пациентите со мултипла склероза до пет години пред конечно да бидат дијагностицирани со болеста.

Како што дознаваат невролозите, констипацијата може да биде еден од раните предупредувачки знаци за мултипла склероза. Тие исто така веруваат дека инфекциите на уринарниот тракт, депресијата и сексуалните проблеми може да укажуваат на тоа дека некој несвесно страда од оваа тешка состојба.

“Се разбира, не секој кој ги има овие симптоми ќе развие мултипла склероза. Овие симптоми се вообичаени и можат да бидат знаци на други болести”, вели д-р Селин Луапре.

Сепак, д-р Луапре смета дека ова откритие би можело да биде корисно за оние кои имаат поголем ризик да ја развијат болеста, поточно луѓето со семејна историја на мултипла склероза.

Типични симптоми на автоимуната состојба вклучуваат и отежнато одење, проблеми со видот и вкочанетост, а откриено е дека пациентите со мултипла склероза страдаат од запек, инфекции на мочниот меур, депресија и сексуални проблеми.

Поради непредвидливоста на симптомите, може да поминат години пред пациентите да бидат дијагностицирани со болеста. Не постои лек, но третманите како што се стероидите можат да ја контролираат состојбата и да ги ублажат симптомите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот