Во недела повеќе линии од јавниот превоз ќе сообраќаат по изменети траси
Во недела (8.05.2022 год), поради одржување на уличната трка Халк Еко „Скопје трча 10 км“, во период од 8 до 11.30 часот, линиите 2, 4, 7, 8, 11, 11а, 12, 15, 15А, 19, 21, 22, 22А, 32, 56, 56а, 59 и 60 ќе возат по изменет режим од вообичаениот, информираат од ЈСП „Скопје“.
Препорачано
– Трасите на движење ќе бидат изменети за автобусите со броевите2, 4, 11, 11а, 12, 21, 22, 22А, 32, 56, 56а и 60, во правец кон Ѓорче Петров, кога ќе пристигнат кај ТЦ „Сити мол“ ќе вртат лево по улица Московска, па десно по улица Војвода Васил Чакаларов и од Порта Влае, секоја ќе продолжи по својата вообичаена траса. Во обратна насока, сите ќе сообраќаат по вообичаената траса. За линијата со број 8, од мост Гоце Делчев по булевар ВМРО, ќе продолжува по булевар Партизански одреди се до ТЦ „Сити мол“, потоа лево по улица Московска, па десно по улица Војвода Васил Чакаларов и кај Порта Влае ќе продолжува кон својата почетна постојка. Во обратна насока, се до Соборен хром ќе сообраќа по булевар Партизански одреди, па по булевар ВМРО, мост Гоце Делчев, па по својата вообичаена траса – информираат од ЈСП „Скопје“.
Кога станува збор за линиите 7, 15, 15А, 19 и 59, во правец од Карпош 3 према Центар ќе сообраќаат по улица Карпошово востание, улица Бледски договор, булевар Партизански одреди од каде секоја ќе продолжи по својата вообичаена траса, објаснуваат од ЈСП „Скопје“ а како што информираат оттаму, во обратна насока, сите ќе сообраќаат по вообичаената траса.
– Линијата 15А ќе сообраќа како линија 15. Линиите 15, 15А и 19 во Карпош, за терминал ќе го користат терминалот од линиите 7 и 59 – додаваат од претпријатието.
