Во Мекларен се среќни, Пјастри оди по стапките на Прост, Сена, Хакинен
Австралиецот со победата на трката во Мајами постигна резултат што досега во историјата на Мекларен ја достигнале само Ален Прост, Ајртон Сена и Мика Хакинен
Оскар Пјастри го запиша своето име во историјата на Мекларен – заедно со некои од најголемите легенди во Формула 1.
Препорачано
Со својата трета победа во низа (Мајами), Пјастри стана само четвртиот возач на Мекларен во историјата што победил на три трки по ред. Другите тројца? Ален Прост, Ајртон Сена и Мика Хакинен – легенди на спортот и светски шампиони. Тоа е калибарот на друштвото во кое Пјастри сега се наоѓа.
Уште од 1998 година, кога Хакинен беше во својот врв, возач на Мекларен не успеал да постигне вакво ниво на конзистентна доминација. Сега, повеќе од две децении подоцна, Австралијанецот (23) е тој што ја разгоре повторно
славата на Мекларен.
About yesterday…🏆🥰#McLaren pic.twitter.com/FHprCJU327
— McLaren (@McLarenF1) May 5, 2025
Импресивно е што оваа серија на Пјастри доаѓа за време на една од најконкурентните сезони во Формула 1 последниве години. Со Ред Бул и Мерцедес кои му дишат во вратот, а тимскиот колега Ландо Норис исто така е во врвна форма, способноста на Пјастри постојано да се справува под притисок зборува многу за неговиот менталитет.
Oscar Piastri is the first McLaren driver in 27 years to win 3 races in a row, the last time Mika Häkkinen did it was in 1998!#F1 #Formula1 #MiamiGP pic.twitter.com/0JLVVtuYTE
— Extreme Cars (@extremecars__) May 4, 2025
Пјастри ја зголеми предноста во генерланиот пласман, има 131 бод, 16 повеќе од Норис и 32 од Верстапен. Следната трка се вози за две недели во Имола.
