Во општина Љубљана, во акција за отстранување на нелегалните рекламни објекти, која беше започната во 2023 година, досега се отстранети 586 вакви објекти. Во март годинава фокусот беше ставен на рекламни објекти над коловозите на општинските патишта, од кои некои се во многу лоша состојба и претставуваат опасност за пешаците, објаснија директорот на Инспекторатот на Град Љубљана Лука Јукиќ и градоначалникот Зоран Јанковиќ. Досега се контролирани 2.417 рекламни објекти, а од нив 586 се отстранети, 608 објекти биле законски поставени, а за останатите 1.223 постапките сè уште се во тек. Од нив, 331  се отстранети во 2023 година, 183 лани, а 72 годинава, сумира Н1 Словенија.

Во март годинава започна кампања за отстранување на дивоградбите над коловозната површина на општинските патишта, поточно на Тржашка цеста, каде отстранија 24 големи билборди, изјави Јукиќ.

Според него, некои од објектите биле во многу лоша состојба, прицврстени на искршено дрво и претставувале опасност за пешаците на тротоарот. Јукиќ ги повика сопствениците на рекламите сами да ги отстранат овие објекти и со тоа да ги намалат трошоците за отстранување, а во исто време да придонесат за безбедноста на граѓаните и посетителите. Се проценува дека има околу 8.000 рекламни објекти во областа на општина Љубљана, рече градоначалникот Јанковиќ.