Ноќеска непознати лица ја опожариле канцеларијата на општинскиот советник во општина Куманово, Фитор Јакупи.

Како што напиша Јакупи на својот фејсбук профил, инцидентот се случил околу 3:05 часот по полноќ.

„Ве известувам дека денеска во раните утрински часови околу 3:05 часот од црна рака (на непознати лица) мојата приватна канцеларија во Куманово беше опожарена“, напиша Јакупи во својата објава.

Ноќеска биле запалени и уште два автомобили, а сопственик на еден од нив бил јавен обвинител.

Како што информираат од Јавното обвинителство бил извршен увид на локациите на опожарување автомибилитеи деловниот простор на советник во Општина Куманово.

„Дежурен јавен обвинител од Основното јавно обвинителство Куманово изврши увиди на локациите каде беа опожарени два автомобили и една деловна просторија. Преземени се сите дејствија и се испитуваат причините и евентуалните мотиви за опожарувањето. Прибрани се траги од лице место кои ќе бидат предмет на вештачење, а се врши увид и во снимки од камери за видео надзор“, информираат од Јавното обвинителство.