Во Грција е прогласена тридневна жалост, откако потона брод со мигранти во Јонското Море. Крајбрежната стража досега извлече 79 тела и спаси повеќе од сто луѓе, но преживеаните раскажуваат дека на бродот имало до 750 луѓе.

Портпаролот на преодната влада на Грција изјави за државната телевизија дека властите не можат да ги потврдат извештаите дека меѓу 700 и 750 луѓе всушност биле на потонатиот рибарски брод, кој пловел од Либија кон Италија.

Трагедија кај Пелопонез: Најмалку 32 мртви откако се преврте рибарски брод

Преживеаните мигранти се пренесеи во градот Каламата. Досега оваа година околу 72.000 мигранти пристигнале во Италија, Шпанија, Грција, Малта и Кипар, според податоците на Обединетите нации.