Француското Министерство за култура оваа недела ќе го разгледа барањето на едно здружение за уметност на живеењето во бистроата да се воведе во нематеријалното културно наследство на Франција. 

Претседателот на Здружението за признавање на бистроата како културно наследство Ален Фонтен, пишува Франс прес, вели дека бистрото е место за дружење на шанк, наутро со кафе и кроасан, на пладне со ручек, а кон тоа се вообичаени и разговорите за лошто време до критиките за дневна политика.

Но уметноста на живеењето во бистроа се наоѓа во криза поради затворањето на угостителските објекти поради мерките за заштита.

„Во бистроата постојат ритуали, посебен жаргон, начин на кој се повикува келнерот, се нарачува пијалок и храна“, рече Фонтен и додаде кога едно бистро че се затвори во некое помало место, исчезнува и душата на тоа место.

Во бистрата се собираат луѓе од разни профеии, возраст и религии, додека пијалокот и храната се многу поефтини отколку во класичните ресторани.