Во декември 2023-та и месец јануари, биле сликани 176.159 граѓани за патни исправи, информираше денеска заменик министерот за внатрешни работи, Митко Бајамацалиев кој изврши увид на работата на управните служби на МВР кои се наоѓаат во зградата на Македонска телевизија.

Бојмацалиев бил информиран од страна на раководството на Одделот за граѓански работи во зградата на МТВ за процесот на промена на личните документи на граѓаните.

-Ако ги земеме месеците декември 2023 и јануари 2024 во однос на процесот на промена на патните исправи на граѓаните вкупната бројка изнесува 176.159, што е четирикратно зголемување споредбено со  истиот период од два месеци од 2023, 2022 и 2021 година, кога таа бројка месечно не надминувала 24.000. Со тоа можам слободно да констатирам дека е постигнат рекорден број во овие два месеца, вели Бојмацалиев.