Во Центарот за култура „Марко Цепенков“ во Прилеп од 11 до 13 јуни за првпат се реализира работилница за мозаик за млади. На работилницата учествуваат талентирани ученици од општинските училишта. Овој проект работилница за мозаик се реализира со поддршка на Министерството за култура и туризам.

– Како искуство и позитивен исход од веќе реализираната работилница во 2021 година и во 2022 година во Штип, решивме да го реализираме проектот во Прилеп и да ја поттикнеме мотивацијата и желбата кај младите за изучување на оваа дисциплина во ликовната уметност – велат од секторот за ликовна дејност при ЦК „Марко Цепенков“.

Интересот за учество на учениците е голем, бидејќи практично ќе научат како се создава мозаик. Предавач на работилницата е м-р Александра Димитрова.