Бугарската полиција седми ден по ред интензивно трага по изчезнато 13-годишно момче со Даунов синдром во регионот на Стара Загора.  Момчето Николај е од селото Коњаре и исчезнал минатиот вторник (17 декември) заедно со своето куче.

Кучето се појавило  синоќа во 19.40 часот на неколку метри од семејната куќа и веднаш е направен обид со него да се стигне до детето, но животното било многу преплашено. Мајката на Николај го препознала миленичето и се обидела со негова помош да дојде до детето.

„Кучето ме носеше каде што оделе, застануваше, душкаше, сврте и на крај стигнавме право до браната и оттаму кучето пак ме донесе овде“, вели Денка Илиева, мајката на Николај.

Во моментов заседава оперативниот штаб формиран за потрага по малиот Николај. Пристигнале и кучиња трагачи за да го бараат детето.

Познато е дека едно од омилените места на Ники била браната.

Вчера во потрагата беше вклучен и полициски хеликоптер кој ги надлетуваше областите каде што се верува дека е момчето.

Сите напори на полицијата, жандармеријата, пожарникарите, шумските службеници и доброволците се насочени во северозападен правец од домот на детето, од каде што исчезнало, бидејќи во останатите правци има видео камери кои не забележале движење.

Во потрагата се вклучија и ловџии од регионот, кои ги пребаруваа засолништата во шумската област каде што можеби се засолнило детето.

Министерот за внатрешни работи Атанас Илков изјави дека потрагата по детето ќе продожи без оглед на временските услови и полицијата нема да се откаже од потрагата по исчезнатиот Николај.