Шест лица се повредени денеска кога биле нападнати со остар предмет во јужниот дел на Бруклин, Њујорк, по што биле префрлени во болница, соопшти полицијата.

Полицајците биле повикани во домот во Фејн Корт, во населбата Геритсен Бич, околу 6.20 часот поради дојава дека напаѓач или напаѓачи исекол неколку лица со сечило, објави Њујорк пост.

Кога полицијата пристигнала на местото на настанот, затекнала шестмина повредени, меѓу кои 30-годишна жена со расекотини на лицето, 16-годишна девојка со исеченици на раката, 39-годишна жена со расекотини на рака, 27-годишен маж со повреди на лицето, 30-годишен маж со рани на вратот и зглобот и 18-годишен маж со расекотина на раката, соопшти полицијата.

Полицијата не соопштува детали за мотивите на нападот и досега не уапсила никого.

Засега не се ни знае дали напаѓачот или напаѓачите се идентификувани.