Додека Доналд Трамп се подготвува за враќањето во Белата куќа како претседател, неговиот зет Џаред Кушнер се подготвува конечно да го реализира долгонајавуваниот бизнис-потфат во Белград – хотелски и станбен комплекс што ќе го носи името „Трамп“.

„Афинити Партнерс“ е инвестициска фирма основана од Кушнер, кој е зет за ќерка на Доналд Трамп. Кушнер во соработка со милијардерот од ОАЕ Мохамед Алабар сака да развие луксузен хотел и станбен комплекс во Белград, пишува „Блумберг“.

Комплексот треба да се гради на локацијата на поранешниот Генералштаб на армијата, кој со децении стоеше руиниран откако беше погоден со крстосувачки проектил за време на НАТО-бомбардирањето на Белград и тогашна СР Југославија во 1999 година. Српската влада даде зелено светло за проектот на Кушнер и Арапите во мај минатата година.

Проектот има и своја официјална веб-страница, на која може да се види како ќе изгледаат планираните згради од повеќе агли.

Трамп за проектот се подготвувал уште во 2013 година, пред да се кандидира за претседател на САД. Меѓутоа, сега, благодарение на иницијативата на неговиот зет и поддршката на партнерот од Обединетите Арапски Емирати, идејата станува реалност.

Албанската влада ја прогласи компанијата на Кушнер за стратешки инвеститор, непосредно пред инаугурацијата на Трамп