Италијанскиот дизајнер Џорџо Армани почина мирно во својата 91 година од животот, опкружен со своето семејство, објави модната куќа „Армани“. Џорџо кој сакаше да биде доктор, но стана еден од највлијателните луѓе во светот на модата.

„Во оваа компанија, отсекогаш сме се чувствувале како дел од семејство. Денес, со длабока емоција, ја чувствуваме празнината што ја остави оној кој го основал и негувал ова семејство со визија, страст и посветеност, но токму во неговиот дух ние – вработените и членовите на семејството кои отсекогаш работеле заедно со г-дин Армани – се обврзуваме да го заштитиме она што тој го изградил и да продолжиме да ја водиме својата компанија во негово име, со почит, одговорност и љубов“, се вели во соопштението на модната куќа Армани.

Познатиот италијански дизајнер беше меѓу највлијателните имиња во светот на модата и имаше кариера што трае повеќе од 60 години. Неговото детство беше обележано со војна, а неговите соништа се променија откако се запиша на колеџ. Ја започна својата кариера во стоковна куќа, но сè се промени откако ја основа својата модна куќа со својот партнер. Неговиот бренд е омилен меѓу модните познавачи и познатите личности со години, кои сакаат да ги носат неговите креации на црвениот тепих.

Армани е роден на 11 јули 1934 година во Пјаченца, Италија. Тој пораснал во скромно семејство – неговиот татко, Уго, работел како службеник, а неговата мајка, Марија, била домаќинка. Џорџо е роден како средно дете, имаше постар брат, Серхио и помлада сестра, Росана, со која подоцна соработувал. Бидејќи поголемиот дел од времето го поминувале со својата мајка, која често им поставувала куклени претстави, Џорџо се заљубил во модата уште од многу рана возраст.