Бугарскиот фудбалски клуб Септември Софија официјално го промовираше новото зимско засилување, македонскиот репрезентативец Влатко Стојановски.

Овој 25-годишен напаѓач потпиша договор по што им се приклучи на своите нови тимски колеги во подготовките за вториот дел од сезоната.

Во клупската кариера Стојановски беше дел од скопски Металург, РНК Сплит, Дугопоље, Ренова, Ним, Шамбли, Горица и Шкендија.

За тетовските „црвено-црни“ со кои се раздели оваа зима, во есенскиот дел од шампионатот запиша 14 настапи и два голови. За најдобрата македонска фудбалска репрезентација до сега напаѓачот забележа 10 настапи и два погодоци.

Септември Софија настапува во најсилната бугарска фудбалска лига, се наоѓа на 13 место со 15 бодови. Во оваа екипа играат уште двајца Македонци, Константин Чешмеџиев и Мартин Стојанов.