Гевгелија е местото каде овој викенд се спојуваат музиката, храната, пијалаците и доброто расположение и забава. Второто издание на фестивалот „Вкуси Го Југот – Taste The South“ во Гевгелија ќе се одржи од 13 до 15 септември. Сцената ќе биде поставена  на паркингот на новиот пазар „Сава Михајлов“.

Организаторите најавуваат богата музичка програма со бројни културно уметнички друштва и музичари од локалната сцена и регионот, ќе настапат Викторија Лоба, Наум Петровски, Влатко Стефановски Трио, Пајак и Лара Иванова, Дац и Александар, Зијан, ХИТС ТРИО, Паркети, Фиц енд Д Инвизиблс, а за хуморот со свој стендап ќе настапи познатиот гевгелиски комичар – Дејан Мазларков Диверзија.

– Освен богатата музичка програма на фестивалот ќе има поставени штандови со вкусна храна и пијалаци од Гевгелија и регионот, како и домашни уметнички изработки – наведуваат организаторите.

Оттаму додаваат дека и оваа година не се изоставени најмладите за кои повторно ќе има богата детска програма со детскиот фестивал „Калинка“.