Владимир Четкар во овој мај и јуни ќе одржи пет концерти низ Америка со кои ќе го промовира својот најнов студиски албум „Да бидеме“(Let Us Be).

Првиот настап ќе биде во Чикаго во „Скадарлија“ овој петок, а наредната недела на 23 мај, тој ќе одржи концерт во Њујорк во „Chelsea Table and Stage“.

Во Детроит е на 30 мај ќе настапи „Aretha’s Jazz Cafe at the Music Hall‘ а наредниот ден, турнејата продолжува во Колумбус каде ќе настапи во „Natalie’s Grandview“.

Мини турнејата ќе заврши на 7 јуни, со концерт во Кливленд во „Bop Stop at The Music Settlement“.

На сите концерти Четкар ќе биде придружуван од интернационална екипа на музичари.

Турнејата е поддржана од Министерството за култура.