На општините и на Градот Скопје им се забранува да основаат јавно претпријатие, друштво со ограничена одговорност или акционерско друштво за вршење дејност од јавен интерес – јавно осветлување. Ова е една од одлуките на владата кои беа соопштени вчера, заедно со одлуките за обезбедување на поевтина струја за компаниите, кои вршат производство на основните прехранбени производи.

Сите одлуки како и горенаведените, ги носиме инклузивно со сите засегнати страни.

„Оваа Влада, работите ги решава со дијалог. Во оваа енергетско-економска криза, секој денар е важен за граѓаните и затоа вложуваме максимални напори да го зачуваме и да го унапредиме животниот стандард, соопшти вчера премиерот Димитар Ковачевски во своето излагање“, соопштувајќи ги сите нови владини одлуки.

Од Општина Тетово, каде минатата недела на Седница на совет беше формирано трговско друштво „Електро Тетово“ кое треба да се занимава со одржување на јавното осветлување како и прозводство на струја, велат дека се изненадени од новата владина одлука.Побараа владата како што посочија, да ја укине оваа незаконска одлука.

„Општина Тетово е револтирана од одлуката на Владата на Северна Македонија, со која им забранува на општините да основаат Јавни претпријатија за јавно осветлување, со што се ризикува општините и граѓаните да останат во темнина. Оценуваме дека оваа одлука е политичка, со која се оневозможуваат општините кои се предводени од опозицијата да управуваат со јавното осветлување ефикасно и во служба на граѓаните. Со оглед на фактот дека таксата за јавното осветлување што ја плаќаат граѓаните е фиксна, општините не можат да ги покријат трошоците за струја доколку ги принудат да обезбедат струја на слободниот пазар каде цените се мултиплицираат. Ставот на власта дека општините ќе го злоупотребуваат формирањето на јавни претпријатија е многу тенденциозен, бидејќи е многу добро познато дека централната власт не само што потфрли со преземените мерки за ублажување на последиците од енергетската криза, туку со оваа одлука таа исто така се обидува да ги спречи општините да бидат во служба на граѓаните. Апсурдно и спротивно на законот за локална самоуправа е одлуката општините да немаат право да основаат јавни претпријатија додека моќните олигарси речиси контролираат половина од енергетскиот пазар, затоа бараме од Владата да ја укине оваа незаконска одлука“, соопштија од Општина Тетово

Минатата недела на Седница на совет со мнозинство гласови беше донесена одуката да се формира трговското друштво „Електро Тетово“, со кое според локалната самоуправа ќе се заштеди струја, оти ќе се набавува од слободниот пазар, а тоа ќе се одрази позитивно врз општинскиот буџет, но и врз граѓаните.

Со претпријатието нема да се појавуваат проблеми како досега, каде на поедини улици не работи јавното осветлување, додадоа од Општина Тетово

Опозицијата не гласаше за оваа одлука, оти како што рекоа , пред да се изгласа точката, не добиле никакви информации околу претпријатието, како ќе се менаџира, колку
вработени ќе има и кој е бенефитот од неговото функционирање.

Претпријатието „Електро Тетово“ чија судбина е неизвесна, општината го формираше во време кога кого долгот на градската власт за улично осветлување изнесува 37 милиони денари.

Општина Тетово формира претпријатие за уличното осветлување за кое градот веќе должи 37 милиони денари