Владата соопшти дека на денешната седница донела повеќе одлуки, меѓу кои и усвојувањето на предлог-законот за изменување на Законот за пензиско и инвалидско осигурување, со што на пензионерите во септември, на еден месец пред изборите, ќе им бидат исплатени пензии линеарно зголемени за 1.000 денари.

„Дополнително, Владата согласно последните измени на Законот за стокови резерви, денес донесе две одлуки за набавка на пченица и оризова арпа од домашното производство: Одлука за набавка на 9.000 тони меркантилна пченица од реколта 2025 година по цена од 13 денари без ДДВ. Количината ќе може да се откупи од секој регистриран производител поединечно од минимум 5 до максимум 30 тона. Одлука за набавка на 2.400 тони оризова арпа од реколта 2024 по цена од 37 денари без пресметан ддв. Набавката ќе се врши од сите регистрирани производители и количината која ќе се откупи од секој регистриран производител поединечно ќе биде минимум 3 до максимум 20 тони“, соопштија од „Илинденска“.