Владата денеска ги усвоила законските решенија со кои се воведуваат шест бесплатни обиди за ин витро оплодување за брачните двојки кои имаат проблеми со плодноста, како и за доделување ваучери од по 250 евра за студентите, за купување на лаптопи, таблети или други уреди, соопшти премиерот Мицкоски преку социјалните мрежи.

„Владата предводена од ВМРО-ДПМНЕ го исполнува ветувањето кон студентите, Законот за финансиска поддршка од 250 евра за секој студент е веќе во собраниска процедура! Оваа мерка овозможува секој студент да добие средства за набавка на електронско помагало – лаптоп, таблет или друг уред, неопходен за учење, истражување и напредок. Студентите се нашата иднина, срцето на новото време. Затоа Владата цврсто стои зад младите, зад знаењето, зад можноста секој да успее, без разлика од каде доаѓа. Градиме држава која вложува во образование, која не ги заборава младите и која ги поставува темелите за поправедно и перспективно општество“, пишува Мицкоски во објавата.