Тешко е да се одолее на слатката храна, но кога состојките се здрави – вината помала, зар не? Ако претпочитате брзи рецепти, за кои не ви е потребна голема вештина, специфични состојки или многу време, урмите со чоколадо се едноставна и вкусна закуска, пишува „Сенса“.

Урмите се нутритивно богата храна. Тие содржат многу влакна, кои се важни за здравјето на цревата и варењето. Во споредба со сувите смокви, урмите содржат многу повеќе антиоксиданси, како и важни витамини и минерали. Истражувањата покажуваат дека урмите имаат корисен ефект врз зачувувањето на мозочните функции.

Тие содржат свој природен шеќер, па нема да има потреба од засладување, а доколку додадете темно чоколадо, овој десерт ќе биде сосема здрава храна!

Потребни состојки:

• 100 гр урми
• 100 гр чоколадо за готвење
• 2 лажици масло по избор
• 50 гр бадеми

Подготовка:

Отстранете ги коските од урмите, па ставете еден печен бадем во секоја од нив. Направете глазура од чоколадо така што на пара или во микробранова печка ќе растопите чоколадо со додадено масло.

Ставете ги урмите на дрвена подлога и потопете ги во чоколадото. Ставете ги на хартија за печење или на решетка да се исцеди и чоколадото да се стегне, па ставете го во фрижидер неколку часа.

Ова е најздравото овошје на светот: Еве што се случува во вашето тело ако го јадете секој ден