Вистинските Рик и Морти: Средбата на двајцата актери ги разнежни корисниците на социјалните мрежи! (ФОТО)
Оваа недела, ѕвездите на филмовите „Враќање во иднината“ – Кристофер Лојд и Мајкл Џеј Фокс, разбудија носталгија кај фановите со само една фотографија.
Препорачано
Двајцата актери повторно се обединија за една хуманитарна партија покер, а во таа прилика и двајцата објавија заедничка фотографија на своите профили на Инстаграм.
Фановите веднаш се јавија во коментари пишувајќи „Какви легенди“ и „Вистинските Рик и Морти“, но и разни цитати од популарната футуристичка франшиза.
Двајцата актери се сретнаа на овогодинешниот турнир во покер во организација на фондацијата на Мајкл Џеј Фокс за истражување на Паркинсоновата болест.
Овој актер ја основаше фондацијата во 2000 година, откако му беше дијагностицирана Паркиносовата болест девет години порано.
Лојд и Фокс останаа блиски пријатели и по снимањето на трите дела од „Враќање во иднината“, кои набргу добија култен статус во поп културата.
Фокс кој имаше само 29 години кога му беше воспоставена оваа дијагноза, ја најави својата четврта книга, во која пишува за болеста, здравјето и стареењето.
