Македонската музичка група Funk Shui наскоро ќе се претстави пред англиската публика. Имено, тие ќе одржат концерт во Лондон на 29 април, а ден потоа ќе гостуваат на фестивалот „Sound City“ во Ливерпул.

Како што објавија на социјалните мрежи, Лука, Михаил и Мартина се возбудени што ќе имаат можност да настапат во Лондон и Ливерпул и што ќе ја споделат својата музика со тамошната публика.

„Возбудени сме што ќе имаме можност да настапиме во Лондон и Ливерпул и што ќе ја споделиме нашата музика со тамошната публика. Почестени сме што ќе бидеме дел од програмата на „Sound City Festival“ во Ливерпул, еден од најголемите шоукејс фестивали во Европа. Исто така, со нетрпение го очекуваме и нашиот концерт во добро познатиот клуб „ The Old Blue Last” во Лондон“, велат тие.

Дечки, ви посакуваме уште многу успешни концерти надвор од Македонија!

ФОТО | Новина во триото „Фанк Шуи“: Доаѓа женска енергија!