Лав кој избегал од зоолошка градина денeска нападнал и сериозно повредил човек во јужна Турција. Лавот „Зевс“, како што објавуваат турските медиуми, избегал од зоолошката градина „Земја на лавовите“ во Манавгат, на брегот на Средоземното Море, и неколку часа подоцна нападнал 53-годишен маж додека спиел надвор, изморен по наводнување на нива со ф’стаци.

Слушнав звук, кога го подигнав ќебето, лавот легна врз мене. Се боревме, го фатив за вратот и го стиснав. Во тој момент малку се оттргна од мене, изјавил Сулејман Кир за агенцијата „Демирорен“.

Кир е хоспитализиран со рани на главата и рамото. Полициски екипи и дронови го лоцирале лавот во близина на хотелски комплекси. Подоцна лавот бил усмртен.