Познатата Гледстонова библиотека во велшкото село Харден претставува голема туристичка атракција, во која читателите можат и да преспијат.

Библиотеката го носи името на познатиот британски политичар од 19. век – Вилијам Гледстон, кој го поседувал ова здание и го оставил во аманет на својата татковина.

Основата на библиотеката е импресивната колекција од 32.000 книги. Но, со текот на времето, таа бројка се зголемувала и денес брои повеќе од 150.000 наслови.

Библиотеката во Велс била отворена за јавноста во 1894 година, а првите гости кои ја поминале ноќта таму ја посетиле во 1906 година.

Има 26 соби, читална, удобни салони за релаксација каде што можете да разговарате и да пиете чај. Во библиотеката има и ресторан во кој се служи свежа храна во текот на денот, а добро одржуваниот просторен имот е идеален за уживање во долги прошетки.

Меѓу посетителите има љубители на книги од различни профили, од студенти, научници, истражувачи, писатели, до љубопитни туристи.

Гледстонова библиотека организира разни настани за своите посетители – посети на писатели, работилници за креативно пишување. „Гледфест“, фестивал на кој се организираат јавни читања, предавања, настапи на познати писатели и други личности од светот на културата, веќе 10 години традиционално се одржува на почетокот на септември. Годинава тој собир во селото Харден се одржа во два дена на 8 и 9 септември.

Ќерката на Гледстон, Мери Дру, рече дека нејзиниот татко сакал „да им понуди книги кои немаат читатели на оние читатели кои немаат книги“.