Високиот комесар на ОН за човекови права Волкер Турк денеска ја изрази својата „длабока загриженост“ за „фундаменталната промена на насоката“ во САД по враќањето на Доналд Трамп на претседателската функција, истовремено критикувајќи ја „контролата и влијанието“ што ги вршат „неизбраните технолошки олигарси“.

Во својот говор пред Советот за човекови права, Тирк истакна дека „многу децении имаме двопартиска американска поддршка за прашањата за човековите права благодарение на великодушноста и сочувството на американскиот народ“.

Но, „сега сум длабоко загрижен за фундаменталната промена на насоката што се случува домашно и на меѓународно ниво“, додаде тој.

Без да го спомене американскиот претседател по име, Тирк нагласи дека „парадоксално, политиките насочени кон заштита на луѓето од дискриминација сега се карактеризираат како дискриминаторски „додека напредокот по прашањето за родовата еднаквост е обратен“.

„Дезинформациите, заплашувањата и заканите, главно против новинари и јавни службеници, ризикуваат да ја загрозат работата на независните медиуми и функционирањето на институциите“, се пожали тој.

Понатаму, реториката што сее „поделби“ се користи „за заблуда и поларизирање.

„Ова предизвикува страв и загриженост кај многу луѓе“, оценува Турк.

Згора на тоа, високиот комесар ги нападна и „технолошките олигарси“, повторно без да спомене некое конкретно име, како што е името на Илон Маск, шефот на Тесла и СпејсИкс кој стана близок сојузник на Трамп и се обврза да ја преобликува американската сојузна држава.

„Мал број неизбрани технолошки олигарси имаат пристап до нашите податоци: тие знаат каде живееме, што работиме, нашите гени и здравствена состојба, нашите мисли, нашите навики, нашите желби и стравови. Тие нè познаваат нас подобро отколку нас самите“, истакна тој.

„Тие знаат како да манипулираат со нас“, истакна Турк, нагласувајќи го отсуството на регулаторна рамка, што „може да доведе до угнетување, потчинување, дури и тиранија“.

„Треба да се прилагодиме – брзо. Државите мора да ја исполнат својата должност да ги заштитат граѓаните од неконтролирана моќ и да работат заедно за да го постигнат тоа“, повика тој.

Силната критика на Тирк кон САД доаѓа откако Трамп на почетокот на февруари потпиша извршна наредба за повлекување на неговата земја од Советот за човекови права.

САД веќе не беа член на ова тело на ОН дури и пред враќањето на републиканецот на претседателството, но како и другите земји-членки на ОН, можеа да учествуваат во дискусиите што се одржуваат таму како набљудувачи.