Диригентот Ерхан Шукри денеска им подари транспортери на децата со дијабетес во Градскиот парк во Скопје. Тој изрази надеж дека ќе се подигне свеста во општеството за децата со дијабетес, за и тие да се чувствуваат убаво, бидејќи тие се носители на иднината на нашата држава.

– Успеавме да ја дадеме донацијата која ја ветивме за децата со дијабетес. На 2 октомври 2023 година се одржа мојот јубилеен концерт „Првите мои 20 во 30“, кој беше со хуманитарен карактер за децата со дијабетес.

Од продажбата на билетите беше предвидено да се купат лентички и глукомери за нив, посебно за ранливата категорија на семејства. Претседателот на Сојузот на здруженијата на дијабетичари предложи да се донираат транспортери бидејќи во меѓувреме децата добија ленти и глукомери.

По сите поминати нормативи преку Министерство за финансии и Министерство за правда уште во јануари беа обезбедени транспортерите за децата, изјави за МИА Шукри.