Винисиус Жуниор за првпат на прес-конференцијата пред натпреварот против Атлетико Мадрид во Лигата на шампионите пред новинарите зборуваше за церемонијата на „Златната топка“ и воедно потврди дека Реал Мадрид на сите свои членови им забранил да се појават во Париз.

Ќе потсетиме, Винисиус се до последниот ден важеше за прв фаворит за оваа награда, но на крајот таа заврши во рацете на Родри.

„Не се чувствувам предаден бидејќи луѓето гласаат за она што веруваат. Имам свое мислрње, моите соиграчи исто така ми даваат голема поддршка да продолжам да играм и не ни соував дека некогаш ќе ја освојам „Златната топка“, но сакам да ја освојам, како и колку што е можно повеќе титули“, изјави Винисиус.

Беше искрен Винисиус и на прашањето зошто не се појавил во Париз.

„Така одлучи клубот, јас го правам тоа што ќе ми се кажае. Побараа од мене да останам во Мадрид и бев мирен“, изјави бразилскиот фудбалер, потврдувајќи дека бојкотот не го направил самоиницијативно.