Поранешниот бразилски репрезентативец Вилијан го напушти Коринтијанс откако неговиот тим беше елиминиран во Копа Либертадорес од Фламенго по што фудбалерот и неговото семејство почнале да добиваат смртни закани.

– Тој побара од нас да му го раскинеме договорот. Тажни сме што повеќе нема да игра за нас и тажни сме затоа што не помина како што очекувавме – изјави претседателот на клубот Дуилио Монтеиро Алвес.

Коринтијанс загуби на пет од последните девет натпревари во сите конкуренции.

– Секогаш кога Коринтијанс ќе загубеше, а јас не играв добро, моето семејство добиваше закани и навреди на социјалните мрежи, мојата сопруга, моите деца, а неодамна почнаа да ги напаѓаат татко ми, сестра ми“ – изјави Вилијан.

Се очекува Вилијан да се врати во Европа бидејќи најголем интерес за него пројавува новиот премиерлигаш Фулам. Влијан најголем дел од кариерата помина токму во Премиер лигата играјќи за екипите на Арсенал и Челси.