Агенцијата за млади и спорт во соработка со кајак федерација одржа прес конференција по повод престојната манифестација која на некој начин ја одбележува убавината на Македонија и Скопје како главна метропола.

На 8 и 9 април ќе се одржи 54 Илинденски кајак слалом ИКАС 2023 и Европски куп во спуст на дива вода Скопје 2023.

Почетокот на трките е закажан за 10.00 часот, а финалето ќе се одржи во недела со почеток од 16.00 часот.

На пресот со свое видување се обратија директорот на Агенцијата за млади и спорт, Наумче Мојсовски, претседателот на Кајак федерацијата Дрилон Леши, како и техничкото лице во федерацијата, Елена Цуркоска.

Ова е една од најстарите манифестации во Европа, а потврда за успешната организација во сите изминати години го услови и добивањето на организацијата на Европското првенство за сениори во дисциплината спуст на дива вода во месец мај 2023 година.

Агенцијата за млади и спорт ќе помогне во организацијата на оваа манифестација со цел да се претставиме во најдобро светло.