Викендов ќе работи пунктот за промена на лични документи без закажување во ПС „Пролет“
Новоотворениот пункт за вадење лични документи без закажување во ПС Пролет ќе работи утре и задутре, односно сабота и недела информираат од МВР.
Препорачано
„Министерството за внатрешни работи ги известува граѓаните дека пунктот за промена на лични документи без закажување во Полициската станица „Пролет” во Скопје ќе работи и на 18.11.2023 (сабота) и 19.11.2023 (недела) од 08 до 16 часот. Граѓаните кои сакаат да направат промена на личните документи во овој пункт, тоа можат да го направат без претходно закажување“, се вели во соопштението на МВР.
Новиот пункт официјално беше отворен во вторникот. Работното време на пунктот е од 8 до 18 часот, со можност за продолжување на работното време до 20 часот, и дневно може да бидат опслужувани 1000 граѓани по принципот „прв дојден-прв услужен“.
Министерот Спасовски информираше дека на ниво на целата држава се заменети околу 1 милион и 50.000 патни исправи, околу 900.000 лични карти и 480.000 возачки дозволи.
Досега, 80 проценти од граѓаните во внатрешноста на државата ги замениле личните документи.
Во март годинава поскапеа услугите за вадење лични документи. Личната карта од 190 денари поскапе на 310 денари. Пасошот за лицата над 27 години од 1.500 денари стана 2.000 денари, а возачката дозвола од 280 поскапе на 410 денари. Смената на сите три документи од лице е 2.720 денари.
