После два месеци и одржувањето на Државното првенство се враќаат активностите во пливањето..

Денеска и утре на базенот „Борис Трајковски“ – Скопје ќе се одржи Меѓународниот пливачки митинг „Нептун Куп“ во организација на пливачкиот клуб Нептун од Скопје.

Поранешниот пливач Томи Стефановски го води најуспешниот пливачки клуб во Македонија кој сега ќе го организира митингот и на истиот ќе се обиде да го покаже уште еднаш големиот потенцијал.

Освен од нашата земја, на овој митинг ќе настапат и натпреварувачи од Албанија, Србија и Косово.

Поради ситуацијата со ковид-19, ќе се запазат сите протоколи за успешно организирање на турнирот.