Зборувајќи за нивната работа, новинарките Ирена Мулачка и Мирослава Симоновска во интервју за Слободен печат истакнаа дека за развивање на истражувачко новинарство потребна е волја, упорност но пред сè и храброст.

За истражувачко новинарство не мора да се потрошат којзнае колку пари, одлично е да се има добра продукција, да се презентира сето тоа со добри видеоматеријали, но не мора, во истражувачкото новнарство изворите се клучни. Документите и луѓето се клучни и најклучно е да ги штитите, да не ги откривате, за да не ги бркаат од работа, па дури и на суд да не ги кажувате кои се и кога тоа ќе го правите уште толку повеќе доверба ќе имате од граѓаните“ рече Симоновска.

Нејзината колешка Мулачка додаде дека и покрај тоа што граѓаните се тие кои имаат што да кажат и што да покажат како документ, сепак тие се во голема мера исплашени, често не сакаат да зборуваат по телефон, стравуваат дека некој нешто ќе им направи дома или на работното место.

Повеќе од интервјуто на новинарките Ирена Мулачка и Мирослава Симоновска погледнете во видеото во продолжение..