„Теоретски кажано јас сум за европеизација, бидејќи не гледам друг начин, не можам да ја видам другата алтернатива. Таа друга алтернатива што се прикажува мене лично не ми делува доволно веродостојна ниту пак тие што го прикажуваат тоа мене како Јане Алтипармаков ме убедуваат дека тоа е навистина таа алтернатива“ рече Јане Алтипармаков, филмски работник и режисер во интервју за „Слободен печат“.

Тој додаде дека сепак ги разбира фрустрациите и дека во Брисел мора да размислат што би се случило ако уште повеќе се закочи процесот.

„Ама и ние како поединци треба да бидеме малце поодговорни и да сфатиме дека не е мавтањето на знамиња националистички начин за да се прикаже нештото, туку треба да бидеме подобри како луѓе“ рече Алтипармаков.

Тој додаде дека Францускиот предлог и преговарачката рамка не го загрозуваат нашиот идентитет и дека треба да се работи на инклузија.

„Мораме под итно да почнеме да работиме на терен, да ги покажеме позитивните страни на таа инклузија и што би се случило кога би станале дел од тоа нормално цивилизирано општество. Мислам дека луѓето го изгубија тој контекст и премногу се затворија и се бомбардирани од чудни националистички пропаганди и тоа си одигра една улога“, потенцираше Алтипармаков.

Целиот разговор со Алтипармаков можете да го погеднете на слениот линк: