Зошто се прославува 8 Март? Што се случило историски на овој ден, за денес да важи како меѓународен ден на жената? „Слободен печат“ спроведе анкета во која граѓаните го кажаа нивното мислење на темата зошто се прославува 8 Март?

Сите анкетирани одговорија точно на прашањето од анкетата – дека на овој ден жените се избориле за своите права за рамноправност во однос на правата на мажите, како и еманципација во општеството.

– Еј, па како да не знам, јас сум 70-годишна. Во Германија мислам Клара, Луксембург. Тие го подигнаа гласот на рамноправност на жените во однос на мажите и се бореа за нивна еманципација – рече една од анкетираните.

Меѓу анкетираните имаше и помлади кои исто така дадоа одлични одговори на ова прашање.

– На овој ден жените се избориле за своите права, да бидат ценети. Инаку мислам дека се доволно ценети и секогаш треба жените да ја следат својата женственост, а мажите, машкоста бидејќи, така тие се компатибилни. Не треба да се натпреваруваат, туку да се надополнуваат – изјави една помлада девојка.