Колкав буџет им е потребен на граѓаните на Македонија за да се облечат по свој вкус? Дали младите преферираат да носат нова и брендирана облека или пак се чувствуваат добро и во облеката од втора рака? „Слободен печат“ ги анкетираше граѓаните и праша колку чини нивниот аутфит.

Најчести брендови кои ги спомнаа испитаниците во своите одговори беа спортските брендови, од каде што најчесто ги купуваат обуквите, а голем дел од испитаниците споменаа и дека носат облека која веќе била носена од нивните родители. Како бренд кој често беше споменуван како место за купување облека беше брендот „Зара“.

– Овие се најскапите панталони што некогаш сум ги зел. За нив платив 2.300 денари – рече еден од испитаниците.

Меѓутоа може да се најдат и парчиња по завидно ниски цени.

– Џемперчето го платив 100 денари, а маичката 50 денари, шалот беше најскап и го платив 300 денари – кажа студентката.