Пеколните температури ова лето се секојдневие за скопјани. Дел од граѓаните заминаа на годишен одмор да се разладат, но што е со оние кои останаа во градов? Разладувањето е возможно само на скопските базени. „Слободен печат“ ги праша скопјани дали Скопје има доволно јавни базени и колку се користат?

Најголем дел од одговорите се дека во градов има само два јавни базени „Олимпискиот базен“ и базенот во Карпош, но дека не се доволно опремени и чисти.

– Има малку базени и тие што ги имаме во Скопје не се доволно опремени или доволно чисти – вели една скопјанка.

Друга објаснува дека ги посетила двата, но дека не се по нејзини стандарди.

– Сум била, но не ми се допаѓа. Премногу гужва и хлорот ми пречи. Сега воопшто не одам на базен – вели таа.

На прашањето дали сметате дека хигиената е на задоволително ниво, скопјани велат дека хигиената е на незадоволително ниво и токму тоа е причината поради која одбиваат да посетуваат базени.

– Океј е зимно време, летно така-така. Затоа што во неколку базени каде што сум била, сум приметила како да има зелена подлога. Сега, одамна не сум била, ама не верувам дека не е нешто многу добро. Токму заради тоа кажав, затоа и не ја носам мојата ќерка по базени – вели таа.

Целата анкета на колешката Агнеса Чаволи погледнете ја во продолжение: