Кој бил Јосип Броз Тито? „Слободен печат“ направи анкета со граѓаните на тема „Тито“.
Постарите генерации, очекувано, беа информирани, бидејќи живееле во времето на Југославија. Нив дополнително ги прашавме што најмногу им се допаѓало додека тој бил претседател и како се живеело во негово време.

За жал, младите покажаа недоволно познавање за него, што го потврди и еден соговорник:

– Еден и единствен, Монт Еверест, претседател на претседателите. За жал, многу малку знаат, многу е слабо образованието – вели еден од анкетираните.

Една госпоѓа се потсети на убавите времиња кога ја носела штафетата одејќи покрај Тито:

– Секогаш се зборувало за тоа време и навистина би сакала да се вратам некогаш во тоа време. Тито, претседателот на Југославија, врховен командант. И јас лично го имам видено на мои пет години, кога последен пат дојде во Скопје со штафета дрвена од училиште – објаснува таа.

Друг постар минувач ја сподели својата перспектива за тоа време и тогашниот систем:

– Tој бил претседател спрема потребите на тогашниот систем. И во тогашното време, како да речам, околу него сите што биле, само му се додворувале, а не дека многу го сакале.