Исклучително важно за еден работник е редовно да прима плата и да има денови за одмор. Но што би одбрале граѓаните ако се случи да треба да бираат помеѓу поголема плата или повеќе денови одмор?

„Слободен печат“ ги праша граѓаните дали е подобро да имаат поголема плата или повеќе денови одмор? Граѓаните се подзамислија малку, а одговорите беа речиси изедначени – дел од нив одбраа поголема плата, а дел од нив, повеќе денови  одмор.

– Јас би одбрал поголема плата, бидејќи тоа го подобрува вашиот стандард и моќни сте, а одморот е минлива работа – изјави еден граѓанин.

– Јас сметам дека и двете работи се важни, тие се благодет. Меѓутоа одморот не е приоритет, како што е секојдневниот живот и опстојувањето, да живееш комотоно и сигурно, а ако има подобри услови можеби и одмор е одговорот – сподели еден повозрасен граѓанин.

Останатиот дел од анкетираните сметаат дека е подобро да се имаат на располагање повеќе денови за одмор.

– Јас одбирам повеќе денови одмор, бидејќи банка за пари има, но банка за време не – рече една од анкетираните.

– Јас не работам, но би одбрала повеќе денови одмор – кажа една студентка.