Фудбалерите на Реал Мадрид ја победија Жирона со 4:0 (2:0) во 24 коло од „Ла Лига“. Од првата минута од средбата „Кралскиот клуб“ имаше апсолутна контрола на играта, а гостите од Каталонија немаа реални шанси да го загрозат голот на домаќините.

Реал сега на табелата во најсилното шпанско првенство е прв на табелата со 61 бод, додека Жирона е втора со 56.

Ова беше 19 победа за мадриѓаните, додека Жирона беше поразена само по втор пат оваа сезона.

Само шест минути игра беа потребни за домашните да поведат на домашен терен, кога Винисиус Жуниор погоди за 1:0.

Во 35 минута играчите на Карло Анчелоти веќе имаа 2:0, а овој пат Џуд Белингем уште еднаш ја принуди Жирона со голови да ја извади топката од мрежата.

Истиот играч во 54 минута зголеми на 3:0, а конечниот резултат го постави Родриго во 61 минута од натпреварот.

Реал можеше да стигне и до петти гол на мечот, но во 90 минута не го искористи пеналот.