Иако луѓето се сеќаваат и ги фалат градбите и спомениците изградени за време на Југославија, некои се истакнуваат по тоа колку се лоши и колку се бесмислени како на пример оваа градба. Многумина сметаат дека најголемиот неуспех, како  инженерски, така и на градежна Југославија, се наоѓа во Босна и Херцеговина. Тоа би била „познатата“ брана Идбар која се наоѓа недалеку од Коњиќ на реката Башчица- пишува Нова.рс.

И денес, по повеќе од половина век, привлекува големо внимание кај минувачите, но е и тема за која пишуваат и дискутираат експертите.

Имено, тие го нарекуваат неуспех на векот. Изградена е во 1959 година во долината под Прење, браната е специфична за целото подрачје на поранешна Југославија. Изградена е со цел да се запре таложењето на реката Башчица, која е поројна река и која наталожила големи седименти во Јабланичкото езеро. Пред се, целта била да се спречи таложење на големи количини кал, а не за да произведува струја. Вложуваниот труд, но и многу пари, на крајот не резултираа со апсолутно ништо.

Кога се изгради, никој не можеше да очекува дека реката Башчица ќе надојде толку многу што водата ќе се акумулира со голема брзина, се додека не почна да се излева, по што браната пукна, што можеше да има катастрофален исход. Тоа не се случи бидејќи на средината на браната се појави пукнатина која и денес е видлива. Недолго потоа, за работите да бидат уште побизарни и балкански, мештаните направија уште еден премин низ браната, преку која денес главниот пат води до селото Идбар.

Станува збор за прилично неверојатна глетка, како што пишува aarhus.ba. Голема брана, висока повеќе од 30 метри, опкружена со шума, а низ неа мал премин и пат кој води до живописното село Идбара.

Главен експерт кој го водеше проектот бил инженерот Душан Милановиќ, а изведувач Градежното претпријатие за железница бр. 1 од Сараево, кој претходно не работело на брани. Во тоа време имало и гласини дека главниот архитект се самоубил по неуспехот, но тоа едноставно не е точно. Есперти од подрачјето на Србија на некој начин застанаа во одбрана на Душан Милановиќ, додека други, од областа на Босна и Херцеговина, го обвинија за сериозни пропусти при изградбата на браната.