Катамаранот на компанијата „Јадролинија“, „Силба“, попладнево се заринка при пристигнувањето во пристаништето во местото Божава на островот Дуги Оток, јавија локалните медиуми.

„Имаме информации дека катамаранот удрил на брегот во Божава во попладневните часови и тоа е се што можеме да ви кажеме засега“, изјави портпаролката на задарската полиција Ивана Грбин по објавата дека бродот, чии контроли очигледно откажале, се судрил носејќи патници додека се закотвувале во Божава до брегот.

Инцидентот се случил денеска околу 15:40 часот на редовната линија Задар – Брбињ, објавија медиумите.

„Катамаранот немаше помошна рампа, иако законски е обврзан да има, па преку вратата ги симнаа патниците на дрвени скали што им ги дадоа мештаните“, вели еден од сведоците.

Пред една недела, катамаран на истата компанија, „Јадролинија“, заринка на карпи во близина на хрватскиот остров Премуда.

ВИДЕО: Брод полн со деца заринка на хрватски остров, патниците од „Принцот на Задар“ ги спасуваа рибари